İdlibdəki qaçqın uşaqlarından insanlıq dərsi-Evdə qalın, kaş ki, mənim də qalmaq üçün bir evim olaydı!

Suriyada məskunlaşan qaçqın uşaqlardan insanlıq dərsi.

Sonxeber.az xəbər verir ki, 9 ildir Suriyanın İdlib bölgəsində vətəndaş müharibəsinin davam etdiyi və Əsəd rejiminin hücumları nəticəsində evlərindən didərgin düşən, qaçqın düşərgələrində məskunlaşan uşaqların koronavirusa (Covid-19) qarşı karton lövhələrində ingiliscə yazdıqları yazıları belədir.

Qaçqın düşərgəsində məskunlaşan uşaqlar (Stay home, I wish I can) "Evdə qalın, kaş qalacağım bir evim olsaydı" yazılı plakatlarla yaşadığı dramı unutmuş kimi dünyanı koronavirusa qarşı tədbir görməyə səsləyiblər.

Digər tərəfdən, Birləşmiş Millətlər Təşkilatının Uşaq Fondunun (UNICEF) paylaşdığı hesabata görə, 9 ildən bəri davam edən vətəndaş müharibəsinin davam etdiyi Suriyada 2014-2019 illəri arasında Suriyada vətəndaş müharibəsi səbəbiylə 5 mindən çox uşağın həyatını itirdiyi bildirilib. Hesabatda 5 milyon uşağın köməyə ehtiyacı olduğu və 4 milyon 800 min uşağın doğuşdan dərhal sonra müharibə ilə gözlərini açdığı qeyd edilib.

F. Ağayeva

Telegramda izləyin