Bayram günlərində karantin rejimi sərtləşdirilə bilərmi?- AÇIQLAMA

Xəbər verdiyimiz kimi mayın 22-dən başlayaraq Azərbaycanda 8 günlük qeyri-iş günü hesab olunur. Bundan əlavə mayın 24 və 25-i Azərbaycanda Ramazan bayramının qeyd edilməsi gözlənilir. Mayın 24-dən 31-nə kimi Azərbaycanda karantin rejim yenidən sərtləşdirilə bilərmi?

Bununla bağlı Sonxeber.az-a danışan Milli Məclisin Əmək və sosial siyasət komitəsinin sədri Musa Quliyev bildirib ki, bununla bağlı qərarları Operativ Qərargah verir: "Operativ Qərargah hansı qərarı verəcəksə, biz onu qəbul edərək icra etməliyik. Kiminsə subyektiv və öz fikrini söyləməsi pandemiya ilə mübarizəyə töfhə verməz. Epidemiya, başqa fövqəladə və hərbi vəziyyətin bir mərkəzdən idarə olunması doğrudur. Operativ Qərargahın hansı qərarı verəcəyini biz gözləməliyik. Veriləcək qərara uyğun da hərəkət etməliyik. Koronavirusun dərmanı hələ tapılmayıb. Ona görə də istənilən halda özümüzü və başqalarını qorumalıyıq. Lazım olan sosial məsafə saxlanılmalı, qoruyucu tibbi maskalardan və dezinfeksiya məhsullarından istifadə olunmalıdır. Təbii ki, bayram və istirahət günlərində insanlarımız bir yerə toplaşmamalıdır. Ehtiyac olmadığı təqdirdə sıxlıq yaradılmamalıdır. Biz bu mübarizəni beynimizdə dərk edib, məsuliyyətli olmalıyıq. Operativ Qərargahın qərarları və tövsiyyələrinə əməl edilməlidir. Çalışmalıyıq ki, qanuna qarşı çıxmayaq, polisə problem yaratmayaq, həkimlərimizi əlavə əziyyətə salmayaq, özümüzü də gərginləşdirməyək. Bu şəraitə uyğun yaşamağı öyrənməliyik".

Aysel Yusifqızı

Telegramda izləyin

instagramda izləyin