BNA-nın şöbə müdiri: "Bakıda radial və dairəvi yolların inşasını təklif etmişik" - MÜSAHİBƏ

BNA-nın şöbə müdiri: "Bakıda radial və dairəvi yolların inşasını təklif etmişik" - MÜSAHİBƏBakı Nəqliyyat Agentliyi (BNA) tərəfindən paytaxtda yolların optimallaşdırılması işləri həyata keçirilir.

Agentliyin Nəqliyyat axınının idarə olunması və təhlili şöbəsinin müdiri Tərlan Səfərov həyata keçirilən işlərlə bağlı "Report"a müsahibə verib:

- Yolların layihələndirməsində əsas prinsiplər nələrdir?

- Avtomobil yolları nəqliyyat axınının intensivliyi, təsərrüfat, inzibati əhəmiyyəti və digər parametrlərə görə dərəcələrə bölünür. Layihələndirmə zamanı da bütün bu amillər, o cümlədən ekoloji, sosial və iqtisadi aspektlər nəzərə alınır və yollar dizayn edilir. Yolların layihələndirilməsində əsas prinsip hər zaman təhlükəsizlikdir. Yollar layihələndirilərkən bütün yol hərəkəti iştirakçıları nəzərə alınmalıdır. Bundan əlavə, yol hərəkətinin təşkili, nəqliyyat vasitələrinin rahat və fasiləsiz hərəkətinin təmin edilməsi də əsas şərtlərdəndir.

- Yollarda rahat hərəkətin təmin edilməsi üçün nələrə ehtiyac var?

- Bunun üçün yollarda hərəkət ən yaxşı şəkildə təşkil edilməli, bütün komponentlər nəzərə alınmalıdır. Yollar yol nişanları, nişanlanma xətləri, məlumat lövhələri, işıqlandırma və digər texniki vasitələrlə təmin olunmalıdır. Yol istifadəçilər üçün maksimum başadüşülən olmalıdır. Eyni zamanda səkilər, velosiped yolları, avtobus zolaqları rahat hərəkətin təmin edilməsi üçün zəruri faktorlardır.

- Piyada rahatlığını təmin edən yollar necə olmalıdır?

- Piyadalar ən həssas yol hərəkəti iştirakçılarıdır. Bu səbəbdən küçələr layihələndirilən zaman hər şey, ilk növbədə, onların təhlükəsizliyinə hesablanmalıdır. Nəzərə almalıyıq ki, sürücü də, sərnişin də səyahətinin bir hissəsini məhz piyada kimi davam etdirir. Ölkəmizdə qüvvədə olan şəhərsalma və tikinti normalarına əsasən, yerli əhəmiyyətli küçə və yollarda, yaşayış məntəqələrində səkinin piyada hissəsinin eni 1,5 metrdən az olmamalıdır.

Eyni zamanda səkilərin hündürlüyü 15 sm olmalı və əlçatanlıq təmin edilməlidir. Piyadaların yollarda rahat hərəkətini təmin etmək üçün tələbata və qanunvericiliyin tələblərinə uyğun olaraq, piyada keçidləri təşkil edilməlidir. Piyada əlçatanlığının təmin edilməsi də yolların və yol infrastrukturunun layihələndirilməsi zamanı nəzərə alınmalı əsas məsələlərdəndir.
BNA-nın şöbə müdiri: "Bakıda radial və dairəvi yolların inşasını təklif etmişik" - MÜSAHİBƏ- BNA tərəfindən yollarda təhlükəsizliyin və rahatlığın təmin olunması üçün hansı işlər görülüb?

- Agentlik Bakı şəhərində rahatlığın və təhlükəsizliyin artırılması üçün davamlı tədbirlər həyata keçirib. Bu həm yolların layihələndirilməsi zamanı, həm piyada və ictimai nəqliyyat infrastrukturunun təşkili, həm də daşınmalarda təhlükəsiz nəqliyyat vasitələrinin və peşəkar sürücülərin payının artırılması ilə özünü biruzə verib. Təkcə ötən il ərzində Agentlik tərəfindən yol hərəkətinin təşkili ilə bağlı 40-a yaxın küçə və prospektdə layihələr həyata keçirilib, 15 yol kəsişməsində sarı kəsişmə toru tətbiq edilib. Piyadaların rahat hərəkəti üçün ideal səki layihəsi reallaşdırılıb.

Fəaliyyət müddəti ərzində əlçatanlığın və təhlükəsizliyin artırılması məqsədilə 100-dən çox küçə və prospektdə panduslar, tumbalar quraşdırılıb, yeni piyada keçidləri təşkil edilib. Sərnişinlərin rahatlığı üçün ümumilikdə 405 yeni avtobus alınıb, 3 küçə və prospektdə avtobus zolaqları təşkil edilib, müasir standartlara cavab verən Nəqliyyat Mübadilə Mərkəzi istifadəyə verilib. Alternativ nəqliyyat növlərinin inkişafı istiqamətində araşdırmalar aparılıb, velosiped yolları layihələndirilib və nümunə üçün Puşkin küçəsində təşkil edilib.

Yollarda sıxlıqların aradan qaldırılması, hərəkət fasiləsizliyinin təmin edilməsi məqsədilə qanunsuz parklanmya qarşı mübarizə tədbirləri gücləndirilib, bu məqsədlə ən problemli ərazilərdə 100 ədəd kameralar quraşdırılıb. Bütün sadalanan işlər Bakı şəhərində mobilliyin artırılmasına, insanların piyada, yaxud da müxtəlif nəqliyyat növləri ilə rahat, təhlükəsiz hərəkətinə xidmət edir.

BNA-nın şöbə müdiri: "Bakıda radial və dairəvi yolların inşasını təklif etmişik" - MÜSAHİBƏ- Yolların optimallaşdırılması ilə bağlı daha hansı işlərin görülməsi nəzərdə tutulur?

- Agentlik tərəfindən icrasını gözləyən bir sıra layihələr mövcuddur. Bu il ərzində həmin layihələrin davamlı olaraq icrası planlaşdırılır. Hal-hazırda Yusif Səfərov küçəsinin 28 May və Nizami küçələri ilə kəsişmələrində yeni nizamlanan yolayrıcların yaradılması ilə şərq-qərb koridorunun təşkili istiqamətində işlər görülməkdədir. Bu layihə Yusif Səfərov küçəsinin şərq və qərb hissələrinin əlaqələndirilməsi, Yusif Səfərov küçəsində nəqliyyat sıxlıqlarının aradan qaldırılması ilə axının intensivləşdirilməsi ilə yanaşı, həm də həmin ərazilərdə biznes mühitinin inkişafı, nəqliyyat vasitələrindən ətraf mühitə atılan tullantıların azaldılması baxımından çox mühüm əhəmiyyətə malikdir.

Eyni zamanda Agentlik hazırlanmaqda olan Bakı şəhərinin Baş Planının əsas nəqliyyat tərəfdaşlarındandır. Bu plan çərçivəsində Agentlik tərəfindən Bakı şəhərində yol şəbəkəsinin optimallaşdırılması məqsədilə yeni radial və dairəvi yolların inşası, eyni zamanda alternativ nəqliyyat növlərinin inkişafı ilə bağlı bir sıra təkliflər öz əksini tapıb.
BNA-nın şöbə müdiri: "Bakıda radial və dairəvi yolların inşasını təklif etmişik" - MÜSAHİBƏ- Yol hadisələrinin və tıxacların yaranmasında yolların modern standartlara uyğun olmasının, optimallaşmamasının payı nə qədərdir?

- Layihələndirmə həm təşkil, həm də təhlükəsizlik cəhətdən çox vacibdir. Səhv layihələndirmələr yollar istifadəyə verildikdən sonra butulka effektlərinin yaranmasına, piyadaların yollarda çətinlik çəkməsinə səbəb ola bilir. Xüsusən küçələr layihələndirilərkən təhlükəsizlik məsələləri nəzərə alınmalıdır. Bakı Nəqliyyat Agentliyi son dövrlərdə layihələndirildiyi Məzahir Rüstəmov və İnqilab İsmayılov kimi küçələrdə bu məsələni xüsusilə diqqətdə saxlayıb. Hər iki küçədə nəqliyyat intensivliyinə uyğun olaraq hərəkət zolaqları müəyyən edilib, səki çıxıntıları hesabına cib tipli parklanma yerləri və təhlükəsiz piyada keçidləri təşkil olunub.

Bu cür layihələndirilmiş küçələrdə sürücülər nəqliyyat vasitəsilərini yüksək sürətlə idarə etməkdən çəkinir, piyadalar üçün daha təhlükəsiz mühit yaranır.


Sonxeber.az Telegramda izləyin
Sosial   Baxılıb: 1044   Tarix: 29 may 2020  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Arıqlamaq istəyənlər bu xəbəri oxusun!

Arıqlama məhsullarından istifadə etmək, artıq çəkidən azad olmaq üçün böyük addımlardan biridir. Ancaq hər arıqlama məhsulunu etibarlı şəkildə istifadə etmək, həmin məhsula güvənmək də elədə asan deyil. Mühüm olanı sağlamlığa zərər vermədən, organizminizə ağır olmayacaq və istehsal şərtləri ilə etibarl

10 iyun

İnsan sifətində doğulan heyvanlar — VİDEO

Son illərin qəribə hadisələrindən biri də heyvanların başının insan sifətinə bənzər formada doğulmasıdır.. "Ölkə.Az" xəbər verir ki, əgər 110-15 il öncə belə təbitə hadisələri insanların ciddi təəccübünə səbəb olurdusa, artıq son illərdə bu adi bir hala çevrilib.. . Çünki insanlar daha ço

29 may

Amerikalı keşişlər uşaqları bu üsulla vəftiz edirlər — Koronavirusa görə - FOTO

Amerikalı kilsə keşişləri koronavirus səbəbindən uşaqları su silahı ilə vəftiz etməyə başlayıblar.. . "Ölkə.Az" xəbər verir ki, bu qeyri-adi mərasimin fotoşəkili sosial şəbəkədə yayılıb. Vəftizin bu cür keçirilməsi insanlar tərəfindən maraqla qarşılanıb. Bu prosedur uşağın valideynləri tərəfində

29 may

19 gün meşədə azıb qalan cütlük xilas edildi - FOTO

Yeni Zellandiyada xilasedicilər 19 gün əvvəl Kahuranqi Milli Parkında itkin düşmüş iki turisti tapıblar.. . Bu barədə "Mail Online" xəbər yayıb.. . Məlumata görə, mayın 9-da yürüşə çıxan Dion Reynolds və Cessika Okonnor mayın 14-də qayıtmalı idilər. Onların geri dönmədiyini görən yaxınlar

29 may

1000 avroya "Covid-19" maşın nömrəsi aldı

Belçikada bir sürücü avtomobili üçün min avro ödəyərək "Covid-19" dövlət nömrə nişanı alıb.. . Sonxeber.az xəbər verir ki, Belçikanın paytaxtı Brüsselin Flaman bölgəsində bir sürücü min avro ödəyərək "Covid-19" nömrəli maşın nömrəsi alıb.. . Vətəndaşlar arasında mübahisəyə səbəb ola

29 may

Bakı sakinlərinə XƏBƏRDARLIQ: SABAH küçəyə çıxmayın!

Mayın 30-u səhər saatlarından etibarən Bakı şəhərinin mərkəzi və qəsəbələrdəki 300-dən artıq əsas küçə, prospekt və yollarda xüsusi kimyəvi maddələrlə növbəti dəfə əlavə gücləndirilmiş dezinfeksiya işləri aparılacaq.. . Bu barədə "Report" paytaxtın kommunal strukturlarından məlumat əldə edib

29 may

Tələbələrin təhsil haqqı xərclərinin ödənilməsi asanlaşdı - VİDEO

Yeni növ koronavirus (COVİD-19) pandemiyası ilə əlaqədar ölkəmizdə tətbiq edilmiş karantin rejimi səbəbindən ali təhsil müəssisələrində tədris prosesində tələbələrin üzləşdikləri çətinliklərin aradan qaldırılması ilə bağlı Azərbaycan Respublikası Prezidentinin tapşırığı ilə hökumət tərəfindən bir sır

29 may

Hindistanda koronavirusdan ölənlərin sayı REKORD HƏDDƏ

Koronavirus epidemiyası səbəbiylə ölüm sayının 4,711 nəfərə çatdığı Hindistanda vəziyyətin epidemiyanın baş verdiyi Çini ötdüyü açıqlanıb. . . Sonxeber.az xəbər verir ki, yoluxma sayına görə Çini geridə qoyan Hindistan həmçinin epidemiya səbəbiylə həyatını itirənlərin sayına görə də bu ölkəni keçib.

29 may

Azərbaycanda baş redaktorun anası koronavirusdan vəfat etdi

Supersport.az saytının baş redaktoru Anar Cəfərsoyun koronavirus infeksiyasından əziyyət çəkən anası Zöhrə Cəfərsoy vəfat edib. . . Məlumatı ailənin yaxın dostu Araz Aslanlı öz "Facebook" səhifəsində paylaşıb. . . A.Aslanlı paylaşımında qeyd edib:. . "Əziz dostumuz, dəyərli ziyalımız Nazi

29 may