"Yeni nəqliyyat dəhlizləri ölkəmizin beynəlxalq müstəvidə çəkisini artıracaq"-RƏY

Azərbaycan Orta Asiya və Əfqanıstandan Şərq-Qərb istiqamətində yük daşımalarını genişləndirmək üçün tariflərin vahidləşdirilməsi və sərhədlərarası qanunvericiliyin optimallaşdırılması təklifi ilə çıxış edib. Bakı TRACECA, TMTM və Lapis lazuli beynəlxalq nəqliyyat dəhlizlərinin fəal iştirakçısıdır və Buxarest, Tbilisi və Aşqabad ilə birlikdə Qara dəniz - Xəzər dənizi marşrutunu həyata keçirməyə hazırlaşır. Bütün bu təşəbbüslər Aİ tərəfindən dəstəklənir və Şərq Tərəfdaşlığı ölkələri ilə layihələr portfelinə daxildir.

Azərbaycanın ticarət perspektivləri, limanın logistika mərkəzi və Yeni Bakı Azad İqtisadi Zonasının potensialından və Bakı-Tbilisi-Qars dəmir yolu dəhlizinin imkanlarından istifadə edərək multimodal yük daşıma faktorunun istifadəsi haqqında politoloq Məhəmməd Əsədullazadə Sonxeber.az-a açıqlama verib.

Politoloq bildirib ki, Azərbaycan qədim İpək Yolunun dirçəldilməsində və bu marşrut üzrə Asiya və Avropa arasında körpü rolunu oynamaqda maraqlıdır:

"Bununla Azərbaycan regional oyunçuya və beynəlxalq münasibətlər sistemində müyyən çəkiyə malik olacaq. Azərbaycan, Türkmənistan və Əfqanistan prezidentlərinin viodeokonfransı məhz bu nəqliyyat sisteminin inkişaf etdirilmsinə hesablanıb. Azərbaycan Əqanistandan başlayarq Lapis-Lazuri xəttinin işə düşməsi Cənubi Asiya ilə Avropa arasında yeni körpü meydana gələcək və Ələt Azad ticarət zonasının inkişafına səbə olacaq. Göründüyü kimi Azərbaycan bir çox istiqamətlərdə nəqliyyat qovşaqlarının mərkəzində yerləşir və bunu inkişaf etdirmək planına malikdir. Bununla Azərbaycanın iqtisadi imkanlarına müəyyən töhfələr verə bilər.

Hesab edirəm ki, Azərbaycan prezidenti İlham Əliyevin bu istiqamətdə siyasəti böyük uğurlara səbəb olub. Azərbaycan Şimal-Cənub Nəqliyyat dəhlizi, Bakı-Tiflis-Qars dəmir yoli vasitəsilə Qazaxıstanın Aktau Limanı və Çindən yüklərin daşınması, ardınca Lapis-Lazuri marşutunun açılması üçün atılan təşəbbüslər və Əfqanıstanın da burada maraqlı olması post-pandemiya dövründə yeni nəqliyyat sistemində mərhələnin başlanması deməkdir. Azərbaycan Türkmənistan, Əfqanıstan marşrutu ilə qısa yolla yaxın tərəfdaşı Pakistanla quru əlaqələri qurur, həmçinin Hindistan kimi nəhəng bazara çıxış əldə edir. Göründüy kimi yeni geosiyasi nizamda Azərbaycan prezidenti İlham Əliyev meqalayihələri rellaşdırmaq üçün çalışı. Bu da əlbəttəki, ölkəmizin beynəlxalq müstəvidə çəkisini artıracaq".

F.Ağayeva

Telegramda izləyin

instagramda izləyin