"Biz Ararat Mirzoyanın arzusunu ürəyində qoymayacağıq" - Deputatdan AÇIQLAMA

"Biz Ararat Mirzoyanın arzusunu ürəyində qoymayacağıq" - Deputatdan AÇIQLAMAXəbər verdiyimiz kimi, ötən gün Ermənistanın yeni təyin olunan XİN rəhbəri Ararat Mirzoyanın, Sergey Lavrovla görüşü zamanı ""Qarabağın statusu" ilə bağlı qərar verilməyənə qədər Azərbaycan tərəfi ilə heç bir sülh müqaviləsi imzalanmayacaq" tərzindəki sərsəm açıqlaması Azərbaycan cəmiyyətində böyük aqressiya ilə qarşılandı. Erməni KİV-lərinin iddiasına görə, sentyabrın 2-si "Qondarma Qarabağın Müstəqillik Günü" münasibətilə "Mülki Müqavilə", "Şərəfim var" və "Hayastan" fraksiyalarından Ermənistan Milli Məclisinin 20-dən çox deputatı Qondarma Dağlıq Qarabağa yola düşüb. Xatırladaq ki, ermənilər bu gün qondarma rejimin "müstəqilliyinin" 30-cu ildönümünü təntənəli tədbirlərlə qeyd etməyi planlayırlar.

Məsələ ilə bağlı Sonxeber.az saytına açıqlama verən deputat Fazil Mustafa bildirib ki, heç bir status söhbəti ola bilməz:

"Əslində onların sülhdən danışmaması bizim xeyrimizədir. Bizə sərf edir ki, yarıda qalan müəyyən işlərimizi bitirək. Ona görə də biz Ararat Mirzoyanın arzusunu ürəyində qoymayacağıq. Azərbaycan həlledici zərbəylə bunun cavabını verəcək. Sülhdən imtina etmək bizim üçün əlverişli variantdır. Ermənistan bizə sülh bağlanması üçün yalvarmalıdır. İndi sülh bağlamaq istəmirsə də, müəyyən müddət sonra hansısa bir təxribat Ermənistan üçün baha başa gələr. Belə olan halda Rusiya və başqa dövlətlərin də sözü qalmayacaq. Biz diplomatik olaraq sülhə razı olduğumuzu bildiririk. Onsuz da güzəştlərimiz var. Əgər burada heç olmasa bir erməni yaşayacaqsa, bu da bizim onlara güzəştimizdir. Ermənistanda bir nəfər belə olsun, azərbaycanlı yaşamır. Erməninin bizim dövlətin ərazisində yaşaması onlara verdiyimiz fürsətdir. Onlar hələ bunu anlamaq istəmirlər, hələ statusdan, hansısa bir dövlət qurumundan bəhs etməyə çalışırlar. Azərbaycan onlara bir neçə dəfə bu fürsətdən yayınmağa müəyyən dərəcədə imkan tanıyandan sonra ölkəmizin səbri daşacaq. Biz Azərbaycan ərazisində hər hansısa bir millətin, xalqın, qurum yaratmasına, ikinci dövlət qurmasına, yaxud da muxtar bir subyekt kimi mövcudluğuna dözə bilmərik. Bizim belə bir fikrimiz yoxdur. Bu, bir keçid dövrüdür və biz ermənilərə şans vermişik ki, ağıllansınlar. Ağıllanmadıqları halda qoy, 5 nəfəri düzüb, təxribat xarakterli tədbir keçirtsinlər. İki-üç belə tədbirdən sonra bir dənə də yumruq dəyəndə artıq başa düşəcəklər ki, Azərbaycanla zarafat etmək olmaz. Çünki Azərbaycan haqlı olaraq sülhdən, bölgədə müharibənin dayanmasının vacibliyindən danışır və bunu da istəyir. Bu, bizim üçün zərurət deyil, Ermənistan üçün vacibdir. Məhv olmaq istəmirlərsə, mövcudluqlarını qorumaq üçün sülhə razı olmalıdırlar.

Siz bilirsiniz ki, ermənilər 44 günlük müharibədə Nikol Paşinyanı nədə qınayırdılar?! Müharibəni oktyabrda dayandırsaydı, itkilərin daha az olacağını deyərək Paşinyanı günahlandırırdılar. Əminəm ki, onlar indiki proseslərə görə gələcəkdə özlərini yenə ittiham edəcəklər. Bunun ağır nəticələrini onlar dadacaqlar. O baxımdan da bu provokativ bir cəhdlərdir.

İndiki vəziyyətdə, dediyim kimi, bizim onlara verdiyimiz vaxt ağıllanmaları üçündür. Müstəqillik və yaxud da muxtariyyət qazanmaq üçün verilən vaxtdan söhbət gedə bilməz. Prezidentimizin də dediyi kimi, "cəhənnəmə getdi Dağlıq Qarabağın muxtariyyəti!". Əlbəttə, heç bir halda muxtariyyətdən və statusdan söz gedə bilməz. Onların belə bir xülyanı dilə gətirmələri sadəcə öz cəmiyyətlərinə təsəlli vermək üçündür. Çünki erməni orada qalmayacaq. Özləri də bunu yaxşı bilirlər. Erməni qalmayacaqsa, bunlar da ümid yaratmaq üçün hansısa status söhbətlərini ortaya atırlar. Sənin statusun, vətəndaşlığın olmayandan sonra xaricə rahat gedə, işləyə və pensiya ala bilmirsən. Hamısı məcbur olub gedəcək. Yerdə də 5-10 xəstə, beyni pozulmuş qoca qalacaq. İnsan yaşayışını tapa bilmədiyi yerdə, nə qədər vətənpərvərlik hissi olur olsun, qala bilməyəcək. Ona görə də rus sülhməramlılarının və ya İran təəssübkeşlərinin göndərdiyi makaronla nə qədər yaşamaq olar?! Zənnimcə, bu məsələ təsəlli, yaxud da özlərinin hələ də guya dirəniş göstərdiyini öz cəmiyyətlərinə çatdırmaq üçün deyilən boş bəyanatlardır. Azərbaycan bunu istənilən vaxt həll etməyə qadirdir və həll edəcək".

Saytımız deputat Bəhruz Məhərrəmovun fikrini də öyrənib:

"Xatırlayırsınızsa, müharibədən öncə də ermənilər Şuşada analoji tədbirlər keçirirdi. Hətta bir az da irəli gedərək erməni Baş nazir sərxoş şəkildə rəqs edib bizi təhqir edirdi. Nəticə nə oldu?! Hətta o zaman bəzi siyasətçilər, o cümlədən ictimaiyyət nümayəndələri hakimiyyəti qətiyyətsizlikdə günahlandırırdılar ki, Azərbaycan ordusu niyə Şuşanı vurmur? Amma proseslər necə inkişaf etdi, erməni işğalçısının başı necə əzildi, dünya şahid oldu. Açığı, mən inanmıram, ermənilər 44 günlük müharibədən dərs çıxarmasın. Dərs çıxarıblar, sadəcə Prezident İlham Əliyevin də dediyi kimi, "zaman dəyişir, amma erməni faşizmi dəyişmir". Üstəlik, bu gün bölgədə vəziyyətin stabilləşməsini istəməyən, gərginlik yaradaraq, öz maraqlarını təmin etmək istəyən qüvvələr də var. Həmin o qüvvələr də məhz Ermənistanın təcavüzkar mahiyyətindən istifadə edib, cəsarət verərək, silah-sursat daşıyaraq onları bu kimi ağılsız addımlara təhrik edirlər. Amma ermənilər başa düşməlidir ki, indiki məqamda Azərbaycanın səbrini sınamaq intihar deməkdir. Azərbaycanın təktərəfli öhdəliyi yoxdur: əgər 10 noyabr bəyanatı varsa, bu bəyanatı imzalayan bütün tərəflər öhdəlik daşıyır. Əgər indi ermənilər bu bəyanatı pozursa, Rusiya sülhməramlıları həmin pozuntulara göz yumursa, unutmayaq ki, Azərbaycanın da öz maraq və mənafelərini qorumaq hüququ var. Laçın dəhlizini istənilən an bağlamaq, yaxud dəhliz üzrə nəzarəti ələ almaq suveren hüququmuzdur. Hava məkanında onsuz da bizdən iznsiz hərəkət mümkün deyil.  Bu mənada, qanunlarımızı pozaraq, ərazimizə icazəsiz daxil olan kim olur olsun, başına gələcəklərə görə özü və ona bu cəsarəti verənlər məsuliyyət daşıyacaq. Bəli, Azərbaycan müharibə istəmir, amma istənilən qanunsuz separatçılıq təşəbbüsünü yerindəcə boğmaq hüququnu da özündə saxlayır. Ermənilər unutmasın ki, kənardan gələn yardımla müharibə aparmaq olmaz. Belə bir müharibə ehtimalı onlar üçün son deməkdir. Amma görünən odur ki, haylar "başlarının bir daha əzilməsini" özləri istəyirlər".

Rafi Müslümov


Sonxeber.az Telegramda izləyin instagramda izləyin
Siyasət   Baxılıb: 2702   Tarix: 02 sentyabr 2021  

Şikayətiniz varsa Whatsapp: 051 7028255

Facebookda Paylaş


Tezbazar.az elanlar sayti

Oxşar xəbərlər

.

Mehriban Əliyeva Xocavənddən paylaşım edib - FOTO

Azərbaycan Respublikasının Birinci vitse-prezidenti Mehriban Əliyeva Xocavənd rayonundan paylaşım edib. xəbər verir ki, Mehriban Əliyeva özünün instaqram səhifəsində Prezident İlham Əliyevin Xocavənd rayonundakı fotosunu paylaşıb. Qeyd edək ki, Azərbaycan Prezidenti İlham Əliyev və Birinci vitse-preziden

29 avqust 2021
.

Zakir Həsənov Ərdoğanla görüşdü

Türkiyə Prezidenti Rəcəb Tayyib Ərdoğan Azərbaycanın Müdafiə naziri general-polkovnik Zakir Həsənovu və Müdafiə nazirinin müavini - Azərbaycan Ordusunun Baş Qərargah rəisi general-leytenant Kərim Vəliyevi qəbul edib. "Qafqazinfo" xəbər verir ki, qəbulda Türkiyənin Milli Müdafiə naziri Hulus

14 sentyabr 2021
.

Kremldən Bakıya xoş olmayan mesaj - Rusiya generalı niyə İrəvana göndərdi?

"Rüstəm Muradov hardan bilir ki, Rusiya hərbçiləri 5 ildən sonra da Qarabağda qalacaqlar? Axı bu onun səlahiyyətinə aid olmayan məsələdir". -ın məlumatına görə, bunu -a açıqlamasında "Atlas" Araşdırmalar Mərkəzinin rəhbəri Elxan Şahinoğlu deyib. Politoloq bildirib ki, Kosobokovu

10 sentyabr 2021
.

"Onlar sülhməramlı deyil, "erməniməramlı"dır" - Deputatdan SƏRT AÇIQLAMA

Xəbər verdiyimiz kimi, ötən gün Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev BBC-yə müsahibəsində bildirib ki, Qarabağda Rusiya sülhməramlılarının mandatı ilə bağlı əlavə hüquqi mexanizmlər məsələsi barədə tərəflər arasınd

6 sentyabr 2021
.

Ərdoğan Azərbaycanın yeni səfiri ilə görüşəcək

Türkiyə Prezidenti Rəcəb Tayyib Ərdoğan Azərbaycanın bu ölkəyə yeni təyin olunmuş fövqəladə və səlahiyyətli səfiri Rəşad Məmmədovun etimadnaməsini qəbul edəcək. Türkiyə Prezident Administrasiyasının rəsmi saytında bu barədə məlumat dərc olunub. Təqdimat mərasimi Türkiyə Prezident Sarayında yerli vaxtl

9 sentyabr 2021
.

Azərbaycan və Türkiyə birgə hərbi layihəyə start verib

Azərbaycan Ordusuna dəstək məqsədilə Ermənistan işğalından azad edilən bölgələrdə mina axtarışı və zərərsizləşdirilməsi fəaliyyətləri davam edir. xəbər verir ki, bu barədə Türkiyə Müdafiə Nazirliyinin təşkil etdiyi mətbuat konfransında bildirilib. Qurum rəsmisinin sözlərinə görə, ölkənin Silahlı Qüvvələr

5 sentyabr 2021
.

Əfqanıstanda nələr baş verir? - Əmrullah Saleh şayiələri TƏKZİB ETDİ

Əfqanıstanın keçmiş vitse-prezidenti və Milli Müqavimət Cəbhəsinin liderlərindən olan Əmrullah Saleh, Pəncşir əyaləti və Əfqanıstanı tərk etdiyi barədə iddiaların yalan və düşmən təbliğatı olduğunu deyib. "Taliban" qüvvələrinin Pəncşir əyalətini ələ keçirdikləri barədə iddiaları ilə bağlı "Euronews"

4 sentyabr 2021
.

Ərdoğan Azərbaycanla imzalanan vacib sənədləri təsdiqlədi

Türkiyə Prezidenti Rəcəb Tayyib Ərdoğan Azərbaycanla imzalanmış bəzi Sazişləri təsdiqləyib. Bunlar- 25 fevral 2020-ci ildə Bakı şəhərində imzalanmış "Türkiyə Cümhuriyyəti Hökuməti və Azərbaycan Respublikası Hökuməti arasında Enerji və Mədənçilik Sahələrində Əməkdaşlıq Haqqında Saziş", 31 oktyab

4 sentyabr 2021
.

G7 ölkələrinin XİN rəhbərləri gələn həftə Əfqanıstanı müzakirə edəcəklər

"G7" ölkələrinin xarici işlər nazirləri gələn həftə Əfqanıstandakı vəziyyəti müzakirə edəcəklər. TASS-a istinadən xəbər verir ki, bu barədə Yaponiyanın xarici işlər naziri Toshimitsu Motegi bildirib. "Əfqanıstandakı vəziyyəti müzakirə etmək üçün "G7" gələn həftə xarici işlə

5 sentyabr 2021