Füzulinin azad edilməsi Xankəndi və Ağdama aparır- POLİTOLOQ

"Füzulinin azad edilməsi Xankəndi və Ağdamın alınmasına aparır"

Bu sözləri Sonxeber.az-a politoloq Məhəmməd Əsədullazadə Füzulinin işğaldan azad olunmasına münasibət bildirərkən deyib:

"Ermənistanın Gəncəyə raket hücumu Füzulinin azad edilməsi ilə cavab verildi. Şanlı Azərbaycan ordusu Füzuli şəhərini və kəndlərini işğalçılardan azad etdi.
Ali Baş komandan İlham Əliyev ərazilərin tam azad olunacağını bəyan etməklə erməni hakimiyyətinə müraciəti onlar üçün ciddi xəbərdarlıqdır.

Bu xəbərdarlıq adi siyasi bir bəyanat deyil. Bu, Ermenistan Silahli Qüvvələrinin dardamadağın edilməsi və tam olaraq Qarabağın azad edilməsidir.

Təbii ki, Baş nazir Nikol Paşinyan müasir erməni faşizminin bariz nümunəsidir. Onunla yalnız hərb meydanda danışmaq lazımdır. Necə ki, ordumuz layiqli dərslərini verir. Azərbaycan prezidentinin verdiyi açıqlamalar yerinə yetirilir və Qarabağın azad edilməsinə əsaslanır.

Füzulinin işğaldan azad edilməsi Şuşa və Xankəndiyə yaxınlaşmanın əsasını qoydu. Füzuli şəhərində ermənilər möhkəmlənmişdir.

Demək olar ki, heç bir həll variantları bizim üçün məqbul olmayacaq. Yeganə həll varianti Ermenistan ordsunun ərazilərdən çıxarılmasıdir. Bunu Ali Baş komandan da qeyd etdi".

Şəlalə Babayeva

Telegramda izləyin