İşğaldan azad olunan torpaqlarımız ölkə iqtisadiyyatına böyük fayda verəcək-Ekspert

İşğaldan azad olunmuş torpaqlarda kənd təsərrüfatının, iqtisadiyyatın inkişaf etdirilməsi, infrastrukturun yaradılması, su ilə bağlı məsələlərin tənzimlənməsi (Xudafərin və Suqovuşan) hazırda qarışımızda dayanan ilk işlərdir.

Bunubla bağlı Sonxeber.az-a iqtisadçı Akif Nəsirli açıqlama verib:

"Hazırda Azərbaycan ordusunun işğaldan azad etdiyi və etməkdə davam etdiyi torpaqların hamısı kənd təsərrüfatı təyinatlı ərazilərdir.

Yəni, o ərazilərdə əhalinin 80-90 faizi kənd təsərrüfatı ilə məşğul olur. Bu ölkə iqtisadiyyatına müsbət təsir edəcək.

Burada təkcə kənd təsərrüfatı deyil, turizm potensialı çox yüksək olan ərazilərimiz var. Müalicəvi sular, faydalı qazıntılar var. Bildiyiniz kimi Kəlbəcərin ərazisində qızıl yataqları var. Artıq həmin qızıl yataqlarının hasil olunmasına Azərbaycan özü başlayacaqdır.
Ərazilərimizdə formalaşan suvarma suyunun demək olar ki, 60 faizindən çoxu işğal olunmuş ərazilərdə toplaşıb.

İstər Araz çayı, istər Kür istərsə də Tərtər çay və Sərsəng su anbarı. Bütün torpaqlarımız işğaldan tamamilə azad edildikdən sonra su ehtiyatlarının idarə edilməsi də asanlaşacaq. Düşünürəm ki, işğaldan azad edildikdən sonra həmin ərazilərdə yenidən iqtisadi potensial işə salınacaq, həm kənd təsərrüfatı həm mədən sənayesi , turizm və s sahələr yenidən öz inkişafına başlayacaq.

İşğal altında olan ərazilər Azərbaycanın 20 faizini təşkil etməsinə baxmayaraq iqtisadi baxımdan Azərbaycan üçün dəyərli ərazilərdir. İnanırıq ki, işğalda olan torpaqlarımız azad olunacaq. Həmin torpaqlarımız ölkə iqtisadiyyatının inkişafında çox böyük faydası olacaq".

Aysel Səmədli

Telegramda izləyin

instagramda izləyin