Qarabağla bağlı Rusiya-Türkiyə görüşünün TƏFƏRRUATLARI

125183808_816535658918806_3349167247583407285_n.jpg
Xəbər verdiyimiz kimi, ötən gün Qarabağdakı atəşkəsdən sonra həyata keçiriləcək işlər çərçivəsində 20 nəfərlik Rusiya nümayəndə heyəti danışıqlar aparmaq üçün Ankaraya gəlib. Rusiya ilə görüşlərin artıq 2- ci günüdür.

Sonxeber.az Türkiyə mediasına istinadən xəbər verir ki, Türkiyə Milli Müdafiə Nazirliyi aparılan danışıqların nəticəsi barədə açıqlama verib.

Qarabağda atəşkəslə əlaqədar verilən açıqlamada Türkiyə Milli Müdafiə Nazirliyi Rusiya ilə ortaq müşahidə mərkəzi ilə bağlı danışıqların davam etdirilyini bildirib.

Atəşkəsə nəzarət etmək üçün qurulmasına qərar verilən 'Türk-Rusiya Birgə Müşahidə Mərkəzi" ilə bağlı razılaşma memorandumunun imzalandığı bildirilib. Memorandumunun həyata keçirilməsinə dair prosedur və prinsiplərin Rusiya Federasiyası ilə müzakirə olunduğu vurğulanıb.

Açıqlamada həmçinin atəşkəs müqaviləsindəki şərtlərin yerinə yetirilməsi, işğal olunmuş bütün ərazilərin Azərbaycana qaytarılması, bölgədə sülh və əmin-amanlığın bərpası prosesinin diqqətlə izlənilməsi, heç bir güzəştə yol verilməyəcəyi və ehtiyac olduğu təqdirdə tərəddüd etmədən Azərbaycana hər cür dəstəyin veriləcəyi bir daha qeyd edilib.

Açıqlamada "Azərbaycanın sevinci sevincimiz, kədəri kədərimizdir" deyilib.

Şəlalə Babayeva

Telegramda izləyin

instagramda izləyin