"Bu şəxslərin nə o dövrdə, nə də indiki mərhələdə real siyasi çəkisi olmayıb və yoxdur" - DEPUTAT

"Son dövrdə baş verən hadisələr göstərir ki, əslində Ramiz Mehdiyev, Əli Kərimli, Cəmil Həsənli, Gültəkin Hacıbəyli kimi milli xəyanətkarların arxasında maraqlı mərkəzlər - bu məsələdə konkret olaraq Rusiya - dayanır".

Bunu Sonxeber.az-a Milli Məclisin deputatı Aydın Hüseynov danışıb.

O, açıqlamasında qeyd edib ki, təbii ki, onların əsas məqsədi Azərbaycanda hakimiyyətlə cəmiyyət arasında, xalq arasında inamsızlıq yaratmaq, dövlətlə xalq arasında uçurum formalaşdırmaq, xalqın seçdiyi, legitim olan hakimiyyəti zor gücü ilə ələ keçirərək öz məqsədlərinə nail olmaq idi:

"Şübhəsiz ki, bu məqsədlər çirkin amallara qulluq edirdi. Çünki bunların heç birinin özəyində Azərbaycan xalqının və onun milli maraqlarının təmin edilməsi dayanmayıb.

Onların amalları xarici qüvvələrin, xarici dairələrin təsir imkanlarını genişləndirmək idi. Azərbaycan xalqı 2003-cü ildə cənab Prezident İlham Əliyevə səs verməklə əslində Heydər Əliyev ideyalarına səs verdi. Bir daha məlum oldu ki, Ulu Öndərimizin müəyyənləşdirdiyi ideyalardan kənar real siyasi çəkisi olan bir qüvvə yoxdur.

Azərbaycan ərazi bütövlüyü və suverenliyini məhz bu yolla davam etdirdiyi üçün təmin edə bildi. Bundan sonra keçiriləcək ilk seçki Prezident seçkiləri olmalı idi. Elə ən son 2024-cü ilin 7 fevral tarixində keçirilən seçkiləri xalqımız seçki kimi deyil, bayram kimi qəbul etdi və yekdil formada yenidən məhz cənab Prezident İlham Əliyevi, Müzəffər Ali Baş Komandanı siyasi hakimiyyətdə görmək istədi.

Bu şəxslərin nə o dövrdə, nə də indiki mərhələdə real siyasi çəkisi olmayıb və yoxdur. Buna paralel olaraq ölkədə sağlam siyasi rəqabət mövcuddur. Bu siyasi rəqabətdə həmin insanlar uduzan tərəfdir. Azərbaycan xalqı belə kəsləri əlinin tərsi ilə geri çevirir".

Vüsalə İbrahimli

Telegramda izləyin