"Amin evin tək uşağıdır, atasız böyüyüb" - Əsir düşən əsgərin dayısı danışdı

"Oktyabrın 6-dan bəri Amindən xəbər ala bilmirik. Ailəsi çox narahatdır. Anasının vəziyyəti də çox pisdir".

BiG.AZ xəbər verir ki, bu sözləri AZXEBER.COM-a açıqlamasında ermənilər tərəfindən əsir götürülən əsgərimiz Amin Musayevin dayısı Sənan Sadıqov deyib.

O deyib ki, Amin atasız böyüyüb: Bəziləri sosial şəbəkələrdə Aminin atasının adından yazıblar ki, guya Amin Azərbaycana qaytarılıb. Amma bu yalandır. Aminin atası bir neçə il bundan öncə dünyasını dəyişib. Amin evin tək uşağıdır. Anası bu xəbəri eşidən özünə gələ bilmir.

Sənan Sadıxov deyib ki, Aminlə bağlı heç bir xəbər ala bilmirlər: Bizə onun aqibəti ilə bağlı heç bir məlumat verilməyib. Çox narahatıq.

Qeyd edək ki, noyabrın 12-də "ANNA News" YouTube kanalında Aminə rus jurnalisti tərəfindən tibbi yardımın göstərilməsi ilə bağlı video paylaşılıb.

Bir neçə gün sonra isə ermənilər özlərini ifşa edərək, Aminə işgəncə verilməsi ilə bağlı görüntülər yayımlayıb. Ondan sonra isə Amindən xəbər yoxdur.

Telegramda izləyin

instagramda izləyin