4 il sevgili oldu - Üzünü yalnız toy günü gördü - FOTO

Kanadanın Ontario əyalətinin 27 yaşlı sakini Mehdi İsa Aratun 28 yaşlı həyat yoldaşı Mubina Mustafanın üzünü 4 il tanışlıqdan sonra ilk dəfə toy günü görüb.

Sonxeber.az BiG.AZ-a istinadən xəbər verir ki, bu barədə "Daily Mail" yazır.

Belə ki, daim niqabla üzünü bağlayan Mubina həyat yoldaşı ilə universitetdə tanış olub. Onlar birlikdə mühazirələrdə iştirak edib, bir-birlərinə oxumaqda kömək ediblər.

Dini inanclarına görə gənclər sevgili kimi görüşə bilməyiblər. Mubina yalnız ərə getmək niyyətində olduğu oğlanla görüşə bilərdi, Mehdi isə müsəlman olmadığı üçün Mubina onunla ailə qura bilməzdi.

Lakin onların bir-birinə qarşı olan hissləri o qədər güclü olub ki, nəhayət Aratun İslam dinini qəbul etmək qərarına gəlib və müsəlman olduqdan sonra Mubinaya evlilik təklifi edib.

Yalnız toy günü, kəbin oxunduqdan sonra, o, öz sevgilisinin üzünü görə bilib.

"Mubina təsəvvür etdiyim kimi deyildi. Onun görünüşü məni yaxşı mənada təəccübləndirib", - deyə Mehdi təəssüratlarını bölüşüb.

Lakin o, qeyd edib ki, sevgilisinin üzünün necə olduğu onun üçün əhəmiyyətli deyil, əsas həyat yoldaşının özünü rahat hiss etməsi və olduğu kimi qalmasıdır.

Telegramda izləyin

instagramda izləyin