Ölən şəxsin VÖEN-inə borc yazılırsa, nə edilməlidir? - AÇIQLAMA

Bu gün müzakirə olunan məsələlərdən biri də vəfat etmiş şəxslərin VÖEN-ninin aktiv qalması ilə bağlıdır. Bəzən VÖEN bağlanmadığı üçün həmin şəxsin adına borc yazılması ilə bağlı iddialar da səsləndirilir.

Məsələ ilə bağlı Sonxeber.az-a danışan hüquqşünas Tağı Hüseynov bildirib ki, əgər VÖEN sahibi vəfat edirsə, ölüm haqqında şəhadətnaməni müvafiq qururma gətirərək, həmin VÖEN-i bağlamaq mükündür:

"VÖEN sahibi vəfat etdikdə, onun vərəsələrindən biri ölümünü təsdiq edən sənədi - ölüm haqqında şəhadətnaməni - gətirərək VÖEN-i bağlamaq üçün müvafiq quruma müraciət edir. Əgər ölən şəxsin borcu yoxdursa, təbii ki, VÖEN bağlanır. Yox, əgər borcu varsa, araşdırılır, məhkəmə vasitəsi ilə əmlakına qarşı iddia qaldırılır ki, borc məbləği əmlakına yönəldilsin, əmlak satılsın və verginin borcu ödənilsin. Əgər əmlakı yoxdursa, borc avtomatik bağlanmış olur. Vergi borcunu vərəsələr öz üzərinə götürürsə, onda heç bir problem yaranmır və əmlak satışa çıxarılmır".

Zaira Akifqızı

Telegramda izləyin