Ölən nənə nəvəsi doğulanda DİRİLDİ - FOTO

ABŞ vətəndaşı Keti Patten 8-ci dəfə nənə olduqdan sonra ölümdən qayıdıb.

Sonxeber.az BiG.AZ-a istinadən xəbər verir ki, qadına nənə olacağı barədə xəbər verildikdə o, doğum evinə tələsib, lakin xəsətxananın girişində qəfil huşunu itirib.

Reanimasiya şöbəsinə çatdırılan qadının ürək döyüntüləri, həkimlərin bir saat göstərdikləri səylərinə baxmayaraq, bərpa olunmayıb. Keti kliniki ölüm vəziyyətinə düşüb.

Həmin zaman onun qızı Steysi Fayfer keysəriyyə əməliyyatı ilə övlad dünyaya gətirib.

Həkimlər Ketini həyata qaytarmaqdan ümidlərini üzdükləri an qadın gözlərini açıb. 45 dəqiqə nəbzsiz qalan Patten ayılan kimi, ilk növbədə, qızının qaldığı palataya qaçıb.

"O an nəyin baş verdiyini bilmədim, amma mənə ikinci şans verdiyi üçün Allaha şükr edirəm. Mən ən yaxşı nənə olacağam. Belə bir qayıdış boşuna ola bilməz", - deyə Patten yeni doğulan nəvəsi ilə görüş barəsində fikirlərini bölüşüb və bu hadisəni "möcüzə" adlandırıb.

Körpənin adı Alora qoyulub.

Telegramda izləyin