"Biz birlikdən doğacaq gücün nə olduğunu Qarabağ zəfəri zamanı göstərdik" - Fəxrəddin Altun

"Biz birlikdən doğacaq gücün nə olduğunu Qarabağ zəfəri zamanı göstərdik" - Fəxrəddin AltunTürkiyə Prezident Administrasiyasının Kommunikasiya İdarəsinin rəhbəri Fəxrəddin Altun jurnalistlərə açıqlamasında Türk Şurası Media Forumunda ilk iclası keçirilən Türkiyə-Azərbaycan Ortaq Media Platforması ilə bağlı fikirlərini bölüşüb. SİA xəbər verir ki, ötən ilin sonunda Türkiyə Prezidenti Rəcəb Tayyib Ərdoğan və Azərbaycan Prezidenti İlham Əliyevin iştirakı ilə Prezidentin köməkçisi Hikmət Hacıyevlə birlikdə platforma sazişini imzaladıqlarını xatırladan Altun platformanın anlaşma memorandumu ilə qurulduğunu və o gündən etibarən mexanizminin üzərində işləndiyini bildirib.

Yaradılmış işçi qrupunun iclasına Hikmət Hacıyevlə sədrlik etdiklərini qeyd edən F.Altun "Bu platforma əslində praktikada həyata keçirdiyimiz əməkdaşlığı qurumsallaşdırdığımız bir platformadır. İlk növbədə biz belə bir platformanın nələrə qadir olduğunu nümayiş etdirmiş və sınaqdan keçirmiş olduq. Dünən keçirdiyimiz işçi qrupunun iclasında ilk növbədə qurumsal potensialımızı qarşılıqlı olaraq necə artıra biləcəyimiz haqqında danışdıq. Bu işçi qrupu iki ölkənin media və kommunikasiya sahəsindəki qabaqcıl qurumların təmsilçilərindən ibarət bir qrupdu. Qurumlarımızın bir-biri ilə daha çox ünsiyyət qurmasını necə təmin edə biləcəyimizlə bağlı yol xəritəsi üzərində işlədik. Konkret layihələrin üzərində dayandıq. Bundan əlavə, 6 sahədə iş komitələri yaratdıq. Bu iş komitələri ilə birlikdə qarşıdakı dövrdə daha konkret layihələr həyata keçirmək imkanı əldə edəcəyik", - deyib.

Platformanın yaşaması və qurumsallaşması baxımından əhəmiyyətli olan Qanunvericilik və Tənzimləmə Komitəsinin həyata keçirildiyini vurğulayan Altun sözlərinə belə davam edib: "Bu, son dərəcə əhəmiyyətli bir komitədir, çünki bu mexanizmi düzgün bir şəkildə qurarsaq, Türk Şurasına üzv bütün dövlətlərin, Orta Asiyadakı türk cümhuriyyətlərinin bu ortaq platformaya öz töhfəsini verə biləcəyinə inanırıq. Bu, Türkiyə və Azərbaycan arasında ortaq media platformasıdır, lakin biz Türk Şurasına üzv bütün dövlətləri bu platformaya dəvət edirik. Biz bu birlikdən doğacaq gücün nə olduğunu Qarabağ zəfəri zamanı göstərdik".

Digər işçi komitələrinin də əhəmiyyətindən bəhs edən Altun eyni zamanda Beynəlxalq Media Komitəsinin funksiyası haqqında məlumat verib.

"Beynəlxalq Media Komitəsi ilə birlikdə beynəlxalq medianın, Azərbaycan və Türkiyə ilə birlikdə ictimaiyyətin düzgün məlumatlandırılması, digər tərəfdən dezinformasiyaya qarşı güclü bir şəkildə mübarizə aparılması nöqtəsində tez bir zamanda hərəkətə keçirilməsi və məlumatlandırılması üçün sözü gedən komitənin işləməsini nəzərdə tuturuq. Yeni başlamağımıza baxmayaraq qurumlarımızın çox yaxın, səmimi qarşılıqlı əlaqələri var. Güclü qurumsal imkanlara sahibik. Bunları birləşdirdiyimiz zaman yeni bir sinerji ortaya çıxacaq. Biz buna inanırıq. Prezidentimizin və cənab Prezident İlham Əliyevin bu məsələdəki siyasi qətiyyəti və iradəsi qarşımıza çox aydın bir hədəf qoyur. Bu hədəfi həyata keçirmək üçün media və kommunikasiya sahəsində ciddi səy göstərəcəyik.

Qarabağ zəfəri bizə daha bir şey göstərdi. Biz təkcə meydanda deyil, birlikdə olduğumuz zaman kommunikasiya sahəsində də qalib gəlirik. Bunun son təzahürü olaraq bu qurumsal struktur ortaya çıxacaq. Bir daha bu kontekstdə çağırış etmək istəyirəm. Birlik, bərabərlik içində olsaq, türk dünyası olaraq bizə qarşı aparılan dezinformasiyaya qarşı çıxa bilərik. Dünya ictimaiyyətini və öz ictimaiyyətimizi doğru şəkildə məlumatlandıra bilərik. Beləliklə, türk dünyası və ölkələrimizlə bağlı qarşılığı sistemli şəkildə idarə edən aktyorlara qarşı da əsl mübarizə aparılar. Əslində müdafiədə deyil, hücumda ünsiyyət yanaşması ilə hərəkət edilə bilər. Bu çərçivədə sona qədər əlimizdən gələni edəcəyik", - deyə o bildirib.


Sonxeber.az Telegramda izləyin instagramda izləyin
Siyasət   Baxılıb: 400   Tarix: 25 oktyabr 2021  

Şikayətiniz varsa Whatsapp: 051 7028255

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

İlham Əliyev Türkiyəyə səfər edəcək - FOTO

Azərbaycan Prezidenti İlham Əliyev noyabrın 12-də Türkiyəyə səfər edəcək. Bu barədə Türkiyənin Azərbaycandakı səfiri Cahid Bağçı rəsmi "Twitter" hesabında məlumat verib. O, Azərbaycan və Türkiyə Prezidentlərinin 26 oktyabrda bir il ərzində üçüncü dəfə Qarabağda, dördüncü dəfə isə noyabrın 12-d

25 oktyabr 2021

Qubadlının işğaldan azad olunmasından 1 il ötür - FOTO

Bu gün Azərbaycan Ordusu Zəngilan, Cəbrayıl, Qubadlı rayonlarının bir neçə kəndini və Qubadlı şəhərini işğalçılardan azad etmişdir. Eşq olsun Azərbaycan Ordusuna! Qarabağ Azərbaycandır!. xəbər verir ki, bu barədə Azərbaycan Respublikasının Prezidenti İlham Əliyev 25 oktyabr 2020-ci ildə özünün rəsm

25 oktyabr 2021

Ərdəbildən Şimali Azərbaycana dəmir yolu xətti çəkiləcək

"Ərdəbildən Parsabada oradan da Azərbaycana dəmir yolu xətti çəkiləcək". xəbər verir ki, bu sözləri İranın yollar və şəhərsalma naziri Rüstəm Qasemi deyib. Prezident İbrahim Rəisi ilə birlikdə Ərdəbil vilayətinə səfər edən nazir onu da nəzərə çatdırıb ki, bu yolun inşası üçün artıq 100 milyar

24 oktyabr 2021

Ərdoğan Füzuli Beynəlxalq Hava Limanının açılışında çıxış edəcək

Oktyabrın 26-da Türkiyə prezidenti Rəcəb Tayyib Ərdoğan Azərbaycana növbəti dəfə səfərə gələcək. Son bir ildə ölkəmizə üçüncü dəfə təşrif buyuran dövlət başçısı Füzuli Beynəlxalq Hava Limanının açılış mərasiminə qatılacaq. Ərdoğan mərasimdə çıxış edəcək. Qeyd edək ki, bundan əvvəl Türkiyə prezident

24 oktyabr 2021

Azərbaycan hərbi dənizçiləri Türkiyədə təcrübə kursunu başa vurdu – FOTO

Azərbaycan Hərbi Akademiyasının Hərbi Dənizçilik fakültəsini bitirən leytenantlar 27 sentyabr - 22 oktyabr 2021-ci il tarixlərində Türkiyədə keçirilən Hərbi Dəniz Qüvvələrinin freqatlarında hərbi dəniz təcrübə kursunu başa vurublar. Bu barədə Türkiyənin Milli Müdafiə Nazirliyi məlumat yayıb. Qeyd edə

24 oktyabr 2021

İranın XİN rəhbəri: "Azərbaycanla münasibətlər qarşılıqlı hörmət əsasında davam edəcək"

İran İslam Respublikası ilə Azərbaycan Respublikası müştərək dəyərlərə malik olan iki qonşu və müsəlman ölkələrdir. Bu sözləri İranın xarici işlər naziri Hüseyn Əmir Abdullahian özünün "Twitter" hesabında yazıb. Azərbaycanın xarici işlər naziri Ceyhun Bayramovla səmərəli telefon danışığın

24 oktyabr 2021

Süleyman Soylu: "Murat Karayılanın da məhv edilmə növbəsi çatır"

Türkiyədə PKK terrorçuları məhv edilib. Bu barədə ölkənin daxili işlər naziri Süleyman Soylu "Twiter"dəki səhifəsində yazıb. O, qeyd edib ki, Çukurcadan Hakkariyə keçən 2 terrorçu pilotsuz uçuş aparatı və quru əməliyyatı ilə öldürülüblər. Nazir PKK terror təşkilatının rəhbərlərindən olan Mura

24 oktyabr 2021

Mehriban Əliyeva Zəngilandan paylaşım edib - FOTO

Birinci vitse-prezident Mehriban Əliyeva rəsmi "İnstagram" hesabında Prezident İlham Əliyevlə Zəngilana səfərdən foto paylaşıb. -ın məlumatına görə, paylaşımda deyilir:. "Zəngilan. 20.10.2021

24 oktyabr 2021

İranın Azərbaycan əleyhinə təbliğat maşını – VİDEO

Aylarla davam edən gərginlikdən sonra İran hökuməti nəhayət bu ölkənin yük maşınlarının Laçın dəhlizi vasitəsilə Azərbaycanın Qarabağ regionuna qeyri-qanuni səfər etməsini faktiki qadağan edən qərar verdi. Bununla bağlı "Azad İran" "YouTube" kanalı videosüjet hazırlayıb. Bildirili

24 oktyabr 2021