Bakıda 12 cibgir ələ keçirildi - VİDEO
Bakı Şəhər Baş Polis İdarəsinin əməkdaşları tərəfindən paytaxt ərazisində avtobuslarda cibgirliklə məşğul olan şəxslərə qarşı növbəti silsilə əməliyyatlar həyata keçirilib. Nəticədə cibgirliklə məşğul olan 12 nəfər saxlanılaraq məsuliyyətə cəlb edilib.
Daxili İşlər Nazirliyinin Mətbuat xidmətindən Sonxeber.az-a verilən məlumata görə, əməliyyatlar zamanı əvvəlcə paytaxtın Nizami rayonunda avtobuslarda cibgirlik edən Salman İbrahimov, onunla birlikdə eyni əməlləri törədən İlqar Bağırov, Emil Məmmədov və Elçin Əliyev tutulublar. Həmin şəxslərin ətraflarında həyata keçirilən tədbirlərlə onların ayrı-ayrı vaxtlarda Nizami rayonunda müxtəlif marşrut xəttləri ilə hərəkət edən avtobuslarda 10-a yaxın qadın sərnişinin cibindən və çantasından mobil telefonlar oğurladıqları məlum olub.
Qeyd edək ki, onların törətdikləri hadisələrin bir neçəsi, həmçinin, cibgirlik edəndən sonra həmin məkanlardan yayınmaları müşahidə kameraları vasitəsi ilə lentə alınıb.
Baş İdarə əməkdaşları tərəfindən Yasamal rayonunda həyata keçirilən əməliyyat zamanı isə avtobuslarda cibgirlik edən Bədəl Hüseynov və Elman Bəndəliyev də saxlanılıblar. Bu şəxslərin əsasən avtobuslarda insanların sıx olduğu saatlarda 7 qadının çantasından pul kisəsi və mobil telefonlar oğurladıqları müəyyən edilib. Onlar cibgirlik yolu əldə etdikləri pul kisələrindəki maddi vəsaitləri götürəndən sonra orada olan sənədləri tulladıqlarını, mobil telefonları isə paytaxtın müxtəlif nöqtələrində yerləşən mağazalarda satdıqlarını qeyd ediblər. Bu şəxslərin də törətdikləri hadisələr avtobus və dayanacaqlarda olan müşahidə kameraları vasitəsi ilə lentə alınıb.
Xətai və Nəsimi rayonlarında həyata keçirilən əməliyyatlar zamanı da avtobuslarda cibgirliklə məşğul olan Nəsimi Babayev, onunla birgə əlbir olan Azər Misdimov, Elman Əliyev və Adil Hüseynov saxlanılıblar. Onların avtobuslarda etdikləri cibgirliklər toplanan təkzibedilməz faktlarla tam sübuta yetirilib.
Baş İdarə əməkdaşları tərəfindən Sabunçu rayonunda keçirilən əməliyyatlar zamanı isə İsa Əliyev və Tural Məmmədov avtobuslarda cibgirliklə məşğul olduqları üçün saxlanılıblar. Bu şəxslərin ictimai nəqliyyatda 4 qadının çantasından cibgirlik yolu ilə pul kisəsi oğurladıqları müəyyən edilib. Saxlanılan zaman Tural Məmmədovun üzərindən narkotik vasitə olan heroin də aşkar olunaraq götürülüb. Onların da törətdikləri hadisələr avtobus və dayanacaqlarda olan müşahidə kameraları vasitəsi ilə lentə alınıb. Bu şəxslərin ətraflarında əməliyyat-istintaq tədbirləri davam etdirilir.
Cibgirlik etdikləri üçün saxlanılan 12 nəfərin paytaxt ərazisində digər analoji cinayətlər etdikləri də istisna olunmur. Onların əməllərindən zərərçəkən başqa vətəndaşlar varsa bu barədə Daxili İşlər Nazirliyinin sosial şəbəkələrdəki rəsmi səhifələrinə, Bakı Şəhər Baş Polis İdarəsinə və "102" Xidməti-Zəng Mərkəzinə və məlumat verə bilərlər.
Sonda qeyd edək ki, cibgirlik etdikləri üçün saxlanılanların hər biri əvvəllər dəfələrlə məhkum olunublar və tutulan zaman hər birinin üzərindən müxtəlif növ narkotik vasitlər aşkar edilib.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bakıda və Abşeronda bu ərazilərdə olan evlər söküləcək
Qardaşı övladlarını baltalamaqda ittiham edilən əminin fotosu
Çaya limon əlavə etmək nə vaxt lazımdır? - Sağlamlıq faydalarını itirmədən
Güllələnən müəllimin vəziyyəti açıqlandı - 29 yaşı var
Əsrin məhkəməsi bitdi: Hərbi cinayətlərdə ittiham olunan 15 nəfərə hökm oxundu (YENİLƏNİB)
Şöbə müdiri bu zəngdəki cavabına görə işdən çıxarıldı - Video
Hadisə yerindən görüntülər - Video - Fotolar
Qardaşı uşaqlarını baltalayan əmi nədən ölüb? - Rəsmi açıqlama
"İdrak" liseyində güllələnən müəllimin FOTOSU
"İdrak" liseyində şagird müəllimi güllələdi - Direktordan açıqlama-Yenilənib
Prezident İlham Əliyev "Zayed İnsan Qardaşlığı Mükafatı"nın təqdimolunma mərasimində iştirak edir
"Hamilə olduğum üçün toy etmədik, abır etdim"
Səidə Bəkirqızının arxiv VİDEOsu yayıldı
Yer kürəsi su altında qala bilər: Alimlər "Qiyamət buzlağı"nı necə xilas etmək istəyir?
Əhalinin NƏZƏRİNƏ - 24 saat ərzində güclənəcək