3 aylıq körpə döyülərək öldürüldü - Anası fəryad çəkdi, dəfn etməyə qoymadı - VİDEO

Türkiyənin Ankara şəhərində 3 aylıq körpə Elif Ada Topçu döyülərək öldürülüb.

Sonxeber.az-ın "DHA" agentliyinə istinadən məlumatına görə, körpənin anası Beyza Nur Erol ilə Mustafa Qaffar dini nikahla evli olublar.

Hadisə gecəsi yaşadıqları evin kirayəsinin ödənməsi üstündə aralarında mübahisə yaranıb. Belə ki, Mustafa arvadını döyərək kirayə puluna telefon alacağını söyləyib. Ağlamağa başlayan 3 aylıq Elifin isə başından vurub.

Halı dəyişən körpəni təcili xəstəxanaya aparan valideynlər müayinədən sonra onu evə gətiriblər. Bir gün sonra gecə uşağın nəfəs ala bilmədiyini hiss edən ana təcili tibbi yardımla yenidən xəstəxanaya üz tutub. Müayinə zamanı körpənin öldüyü məlum olub.

Morqa aparılan Elif Adanın baş və alnın nahiyəsində döyülmə izləri aşkarlanıb. Ölümünün dəqiq səbəbinin müəyyən edilməsi üçün o, Antalya Ədliyyə Tibb Qurumuna göndərilib.

Polis ananın şikayəti ilə Mustafa Qaffarı həbs edib.

Elifin anasının fəryad edərək körpəsini dəfn etməyə qoymadığı anların videosu hər kəsi kövrəldib:

Aysel Səfərzadə

Telegramda izləyin