Xoşbəxtlik hormonunu artırmağın 5 YOLU

Xoşbəxtlik hormonu kimi tanınan serotonin haqqında eşitmisiniz? Serotonin əsasən, insanın həzm sistemi tərəfidən istehsal olunan maddədir. Onun əhval-ruhiyyəyə, yaddaşa, zehni qabiliyyətlərə təsir etdiyi artıq sübut olunub.

Həyat tərzində və qidalanmada dəyişikliklər etməklə bədəndəki serotonin səviyyəsinə nəzarət edə bilərsiniz.

""Beyin-bağırsaq" əlaqəsi serotoninin harada istehsal olunması ilə izah olunur. Serotonin səviyyəsi normada olduqda insan daha diqqətli və sakit olur, özünü xoşbəxt hiss edir", - deyə amerikalı həkim Vikki Petersen açıqlayıb.

Sonxeber.az BiG.AZ-a istinadən oxuculara bədəndəki xoşbəxtlik hormonunun səviyyəsini artırmağın 5 yolunu təqdim edir.

1. Su balansı. Bədəndəki susuzluq orqanizmin serotoninə çevrilən triptofan, amin turşusu almaq qabiliyyətini azalda bilər. Özünüzü yaxşı hiss etmək üçün bol su içməyi unutmayın.

2. Mütəmadi məşqlər. Tədqiqatlar göstərir ki, ürək döyüntüsünü artıran məşqlər serotonin və digər xoşbəxtlik hormonu olan dofamin səviyyəsini artırır. Daha çox hərəkət edərək əhval-ruhiyyənizi ikiqat yaxşılaşdıra bilərsiniz.

3. Sağlam bağırsaq. Serotoninin balanslaşdırılmış səviyyəsi sizə sağlam bağırsaq hüceyrələri və yaxşı bakteriya balansı bəxş edə bilər. Xəstə bağırsaq koqnitiv funksiyaların azalması və depressiya riski yaradır. Bağırsaqları qorumaq üçün prebiotik və probiotik tərkibli məhsullarla qidalanın.

4. Yaxşı yuxu. Xroniki yuxusuzluq serotonin səviyyəsinin azalmasına səbəb olur. Gün ərzində 8 saat davamlı yatmaq ən ideal variantdır. Tam şəkildə istirahət yetərincə serotonin istehsal etməyə kömək edəcək.

5. Sağlam diqalanma. Yetərincə serotonin istehsal edən sağlam bağırsağın olması üçün düzgün qidalanmaq lazımdır. Xoşbəxtlik hormonunun ən yaxşı mənbəyi bütöv dənli taxıl məhsulları, kartof, qarğıdalı və omega-3 yağ turşularıdır.

Telegramda izləyin