"Disney" personajları "Squid Game"də - FOTOLAR

Yayımlandığı gündən izləyici sayı ilə rekord qıraraq dünyaya səs salan "Squid Game" serialının ssenarisi hələ də müzakirə olunmaqdadır. Qəddar səhnələr, qəhrəmanlara edilən psixoloji və fiziki təzyiq bu serialın uşaqlar üçün təhlükəli olduğunu göstərir. Lakin "Diana1992d" ləqəbli rəssam "Disney" cizgi filmlərinin personajlarını filmin baş qəhrəmanları rolunda təsvir edib.

BİG.AZ həmin şəkilləri təqdim edir.

Rəssamın digər əl işlərini onun "İnstagram" səhifəsindən izləyə bilərsiniz.

Qeyd edək ki, rejissor Hvan Don Hökun yaşamaq uğrunda mübarizə ilə bağlı çəkdiyi "Squid Game" adlı ekran əsəri "Netflix" platforması tarixinin ən populyar serialı olub. Premyerasından 25 gün sonra serial 111 milyon baxış sayı toplayıb. Bu o deməkdir ki, "Squid Game" ilk dörd həftədə 82 milyon baxış toplayan ABŞ-ın "Bridgertons" serialını keçib. Serial, Azərbaycan daxil, dünyanın 90 ölkəsində ən populyar serial hesab olunur.

9 hissədən ibarət bu film maddi çətinliklərini həll etmək üçün adaya yollanan və sağ qalma oyunlarına qatılan personajlardan bəhs edir. Onlar 40 milyon dollar qazanmaq üçün uşaqlıqda oynadıqları altı oyunu uğurla başa vurmalıdırlar. Rəqabətə tab gətirməyib uduzanlar isə həlak olurlar.

Telegramda izləyin

instagramda izləyin