Daha bir şəhidimizin adına bulaq tikildi - VİDEO

Daha bir şəhidimizin adına bulaq tikilib.

Sonxeber.az-ın verdiyi məlumata görə, 17 dekabr tarixində Hacıqabul rayonunun Rəncbər kəndində şəhid Zeynalov Fikrət Hikmət oğlunun adına tikilən bulağın açılışı olub.

Rəncbər kəndində doğulub-böyüyən qəhrəmanımız 2017-2018-ci illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub. 2018-ci ildən isə "gizir" hərbi rütbəsində müddətdən artıq həqiqi hərbi qulluqçu olaraq xidmət edib.

2-ci Vətən müharibəsi zamanı Kəlbəcər, Cəbrayıl və Xocavənd rayonunun işğaldan azad olunmasında xüsusi rəşadət, şücaət və qorxmazlıq nümayiş etdirən Fikrət oktyabrın 16-da Füzuli döyüşləri zamanı şəhid olub.

Azərbaycan Prezidenti İlham Əliyevin Sərəncamına əsasən Fikrət Zeynalov ölümündən sonra bir sıra medallarla təltif edilib:

1."Rəşadət" ordeni;
2."Vətən uğrunda" medalı;
3."Kəlbəcərin azad olunmasına görə" medalı;
4. "Vətən müharibəsi iştirakçısı" medalı.

Aysel Səfərzadə

Telegramda izləyin