"Yuxularında Şuşanı, Hadrutu geri qaytarmaq kimi axmaq xəyallara düşən daşnak tör-töküntülərinə ən layiqli cavabdır!" - DEPUTAT

Prezident İlham Əliyev 2022-ili "Şuşa İli" elan edib.

Bununla bağlı Sonxeber.az-a danışan deputat Nəsib Məhəməliyev bildirib ki, 2022-ci ildə Şuşa şəhərinin 270 illiyini qeyd edəcəyik:

""Pənahəli xan 1752-ci ildə Şuşanın təməlini qoyub və biz yeni ildə bu yubileyi böyük təntənə ilə qeyd edəcəyik. Bu şanlı tarixi nəzərə alaraq və Şuşanın bərpasını sürətləndirmək məqsədilə mən yeni ili "Şuşa ili" elan edirəm". Bu sözləri Prezident İlham Əliyev Yeni ilin gəlişi münasibətilə xalqa müraciətində səsləndirdi. Artıq ənənə halını almış bu müraciətləri milyonlarla insan səbirsizliklə gözləyir və dövlət Başçısının növbəti ili necə adlandıracağı, hansı tarixi şəxsə və yaxud əlamətdar hadisəyə həsr edəcəyi barədə cəmiyyət arasında müxtəlif fikirlər səsləndirilir.

Misal olaraq göstərə bilərik ki, yola saldığımız il dahi Azərbaycan şairi və mütəfəkkiri Nizami Gəncəvi ili kimi tarixə düşdü. İl boyu Nizaminin yaradıcılığına həsr olunmuş tədbirlər keçirildi. Onun Azərbaycan şairi kimi tanıdılması, əsərlərinin təbliği ilə bağlı ölkə daxilində və xaricində xeyli iş görüldü".

Deputat vurğulayıb ki, cənab Prezidentin 2022-ci ili "Şuşa ili" elan etməsi birmənalı olaraq xalqımızın ürəyindən oldu:

"Mədəniyyət paytaxtımız Şuşa hər birimizin qəlbində xüsusi yer tutur. Eyni zamanda, bunun siyasi, mədəni, mənəvi əhəmiyyəti də son dərəcə böyükdür. Acı məğlubiyyətlə barışmaq istəməyən, yuxularında Şuşanı, Hadrutu geri qaytarmaq kimi axmaq xəyallara düşən daşnak tör-töküntülərinə ən layiqli cavabdır!

Digər tərəfdən, ölkə Başçımızın təbiri ilə desək, bu ilin "Şuşa ili" adlandırılması şəhərin bərpasının çox sürətlə aparılacağından xəbər verir. Bu da əslən Şuşadan olan soydaşlarımızın öz yurdlarına qayıtmasını şərtləndirəcək. 2022-ci ilin " Şuşa ili" elan olunması münasibətilə ilk növbədə şuşalıları təbrik edirəm".

Aysel Yusifqızı

Telegramda izləyin