Tələbə özünü oğrudan qorumağa çalışarkən... - FOTO

Universitet tələbəsi olan Enes Kör mobil telefonunu oğurlamaq istəyən şəxsi istəmədən öldürüb.

Sonxeber.az-ın "Ahaber"ə istinadən verdiyi məlumata görə, oğurluqda şübhəli bilinən şəxsi bıçaqlayan qatillə bağlı yeni məlumat yayılıb.

Belə ki, hadisə Türkiyənin Bursa şəhərində baş verib. Marketin anbarında işləyən Enes işə gedərkən hücuma məruz qalıb. Oğru əlindəki bıçaqla onu öldürməklə hədələyib və boğmağa çalışıb, qurtulmaq istəyən tələbə isə hücum edən şəxsi öz bıçağı ilə yaralayıb.

Enes hadisə yerindən qaçaraq xəstə anası və böyük qardaşı ilə birlikdə yaşadığı evə qayıdıb.

Başına gələnləri ailəsinə danışdıqdan sonra qardaşından bıçaqladığı adamın yanına getməsini istəyib:

"Bir nəfər yolumu kəsdi. Mobil telefonumu tələb etdi və bıçaqla hədələdi. Onu bıçaqladım. Get ona bax. İşə getməliyəm, gecikirəm".

Hadisə yerinə gedən qardaşı oğrunun yaralı halda yerdə uzandığını görüb və polisə xəbər verb.

Enes polisə ifadəsində onun öldüyünü bilmədiyini deyib:

"Öldüyünü sonradan, işlədiyim anbara gələn polisdən öyrəndim. Çox təəssüf edirəm. Belə hadisə yaşadığım üçün ürəyim ağrıyır".
Aysel SƏFƏRZADƏ

Telegramda izləyin