Bu göl insanı sanki nağıllar aləminə aparır - FOTO

Dünyada gəzib görməli yerlər olduqca çoxdur. Lakin bəzi gözəlliklər var ki, insanı sanki nağıllar dünyasına aparır. Belə gözəl təbiətə sahib olan yerlərdən biri də Qərbi Avstraliyadır. Buradakı göz oxşayan çəhrayı göl görənləri heyran edir. Qumlu çimərlik evkalipt ağaclarından və hind dəfnəsindən ibarət olan meşə ilə əhatə olunub.

Sonxeber.az-ın məlumatına görə, "Hillier" adlanan bu göl 1802-ci ildə ingilis kəşfiyyatçı Metyu Flinders tərəfindən kəşf edilib.

"Hillier" gölü kimi çəhrayı olan başqa göllər də var, lakin onların rəngi temperaturdan asılı olaraq dəyişir. Bu gölün rəngi isə il boyu sabitdir. Üstəlik, su hər hansı bir qaba doldurulduqda da çəhrayı rəngini saxlayır.

Onun rənginin niyə belə olduğu hələ də məlum deyil.

Gölün duzluluğu çox yüksəkdir. Bir nəzəriyyəyə görə, çəhrayı rəngə buradakı duzlu suyu sevən canlı yosunlar səbəb olur.

Göl suyunun suda üzən insanlara heç bir mənfi təsiri yoxdur.

"Hillier" gölünün dərinliyi 600 metr, eni isə 250 metrdir. Bura yalnız tədqiqat məqsədi ilə istifadə olunur. Turistlərin girişi qadağandır.

Aysel SƏFƏRZADƏ

Telegramda izləyin