Bu qız çəhrayı RƏNGƏ ərə getdi - FOTO-VİDEO

ABŞ-ın Kaliforniya ştatından olan, "planetin ən çəhrayı adamı" kimi tanınan Kitten Key Sera 2018-ci ildə evini və geyimlərini tam çəhrayı etmək üçün 1,35 milyon dollardan çox pul xərclədikdən sonra indi də rəngə ərə gedən ilk qadın kimi dünyaya səs salıb.

Sonxeber.az BiG.AZ-a istinadən xəbər verir ki, o, 40 ildən çox "çəhrayı rənglə tanışlıqdan" sonra bu qərara gəldiyini bildirib.

Toy mərasiminə başdan-ayağa çəhrayı geyinən Key Sera çəhrayı "Şevrolet"də gəlib, özünə çəhrayı üzük alıb və bu günü həyatının ən vacib günü adlandırıb.

Onun toy tortu da, təbii ki, çəhrayı olub.

Kitten 20 yaşında olarkən şənliyə tamamilə çəhrayi rəngdə gedən gündən bu rəngə aşiq olub.

"Həmin gün özümü möhtəşəm hiss edirdim. O zaman düşündüm ki, bu qədər çəhrayı rəng üzərimdə olduqda özümü belə gözəl hiss edirəmsə, niyə hər gün bu rəngdə geyinməyim? Mavi cins və bəyaz köynək geyinmək mənə artıq mənasız gəlirdi. Yenidən çəhrayı rəngə bürünmək üçün xüsusi gün gözləmək istəmirdim. Texas ştatının doğma Hyuston şəhərini tərk edib Hollivudun parlaq çəhrayı işıqlarına tərəf yollana bilmək üçün maşınımı satdım.

"Göyərçin"lərlə dolu dünyada "çəhrayı flaminqo" olduğumu bildirmək mənə xoşdur. İnsanlarla dolu küçədə getdikdə hər kəsin boz və qara geyindiyini görürəm. Kreativlik, fərqlilik yoxdur. Lakin yenə də insanlar mənim dəli olduğumu düşünürlər. Olsun. Mən heç kəs kimi deyiləm, təkəm!"- deyə Sera etiraf edib.

Kitten rəngə ərə gedən ilk qadın olsa da, bu nikah bənzərsiz deyil. Daha öncə də modellərdən biri özü özünə ərə gedib, lakin sevgisini başqasında tapdıqdan sonra özündən boşanıb. Bundan başqa, ağac və heyvanlarla da ailə quranlar olub.

Telegramda izləyin

instagramda izləyin