Sülhməramlılar nə vaxtadək qalacaqlar? - Esen Usubəliyevdən AÇIQLAMA
Son günlər Qazaxıstanda xoşagəlməz hadisələrin şahidi olduq. Ölkə vətəndaşları ilk günlər qazın qiymətinin artması ilə bağlı etiraz etsələr də, sonradan daha çox qəzəblənərək ölkəyə müxtəlif yollarla ziyan vurmağa başladılar. Ölkə başçısı Kasım-Jomart-Tokayev baş verənlərin qarşısını ala bilmədiyini gördükdə, qonşu ölkə Rusiya ilə yanaşı, Qırğızıstan və Ermənistandan da Kollektiv Təhlükəsizlik Müqaviləsi Təşkilatının (KTMT) sülhməramlı qüvvələrini Qazaxıstana dəvət edib.
Bəs KTMT sülhməramlıları nə vaxta kimi Qazaxıstanda qalmağa davam edəcəklər?
Məsələ ilə bağlı Sonxeber.az-a Qırğızıstanın "Prudent Solutions" analitik mərkəzinin direktoru Esen Usubəliyev açıqlama verib.
O, sülhməramlıların Qazaxstanda neçə müddət qalacaqları barədə dəqiq məlumatının olmadığını bildirib:
"Qazax hökuməti ölkədə vəziyyətin stabilləşdiyinə dair qərara gəlməyincə sülhməramlıların orada qalacağını düşünürəm.
Özüm Qazaxıstanda yaşamadığım üçün sizə başqa fərziyyələr deyə bilmərəm. Mən yalnız təxmin edə bilərəm.
Ümumiyyətlə, Qazaxıstanın qanuni hökumətinin öz səlahiyyətləri çərçivəsində qəbul etdiyi bütün qərarlar barədə düz və ya səhv olduğunu deyə bimərik. Görünən odur ki, başda K.J.Tokayev olmaqla, Qazaxıstan rəhbərliyi sülhməramlıları cəlb etməyin zəruri olduğunu hesab edib.
Həmin dövrdə, çox güman ki, rəhbərlik güc strukturlarının prezidentə tam tabe olmayacaqları ehtimalını verib.
Prezidentin həmin qərarı müsbət nəticələr verirsə, bu, artıq atılan addımın düzgün olduğunun göstəricisidir".
ZAİRA AKİFQIZI
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş