Bərdədə şok olay: Qadın evində saxladığı kişi ilə qızını zəncirlədi - TƏFƏRRÜAT

Bərdədə şok olay: Qadın evində saxladığı kişi ilə qızını zəncirlədi - TƏFƏRRÜATBərdə rayonunda 1985-ci il təvəllüdlü Əkbər qeyri-rəsmi nikahda yaşadığı 1991-ci il təvəllüdlü Nigarla (adlar şərti verilib – red.) azyaşlı uşaqlarına işgəncə veriblər.

Teleqraf.com-un əldə etdiyi məlumata görə, Əkbər 22 iyul 2021-ci ildə, saat 11 radələrində qeyri-rəsmi ər-arvad münasibətlərində yaşadığı Nigarın yetkinlik yaşına çatmayan övladı, 2003-cü il təvəllüdlü Ramellanın hər gün axşamlar evə gec gəlməsini bəhanə edib, onu tərbiyələndirmək məqsədilə saçından tutaraq sanitar qovşağa gətirib.

Əkbər orada daşla Ramellanın baş nahiyəsinə, yumruqlarla qarın və sinə nahiyələrinə zərbələr vurub. Sonra Nigarla birlikdə Ramellanı ayaqlarından zəncirlə bağlayıb, orada ona işgəncə veriblər.

İstintaq orqanı tərəfindən Əkbər və Nigarın barəsində Cinayət Məcəlləsinin 133.2.4-cü (təqsirkar şəxs üçün aşkar surətdə yetkinlik yaşına çatmayan, habelə köməksiz vəziyyətdə olan şəxsə qarşı əzab vermə), 145.2.3-cü (yetkinlik yaşına çatmayan şəxsi qanunsuz azadlıqdan məhrum etmə) və 145.2.4-cü (bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən qanunsuz azadlıqdan məhrum etmə) maddələri ilə ittiham elan edilib.

Cinayət işi üzrə təqsirləndirilən şəxs qismində ifadə verən Əkbər ittiham üzrə özünü təqsirli bilməyib. O bildirib ki, iyulun 22-də təxminən saat 14-15 radələrində Nigarın anası Yetəri kiçik qızı Baharla birlikdə Mingəçevir şəhərinə yola salmaq üçün Bərdə avtovağzalına aparıb: "Yetəri avtovağzaldan yola saldıqdan sonra birbaşa evə qayıtdım. Nigarla evdən çıxarkən Məhbubəni evdə qoyduq, otağın qapısını evi tərk edə bilməsin deyə kilidlədik.

Biz evdən getdik, bir qədər sonra geri qayıtdıq. Nigar qapının kilidini açan kimi Məhbubə otaqdan çıxdı, aşağı mərtəbəyə düşdü. Məhbubə qonşuluqdakı Nərminə adlı qadınla mübahisə etdiyi üçün Nigar onu evə gətirdi, otaqda döyməyə başladı".

Əkbər bildirib ki, həmin vaxt Məhbubə əli ilə anası Nigarı vurub:

"Bunu görəndə özümü saxlaya bilmədim və bir dəfə sol əlimlə onun başının əng hissəsinə şillə vurdum. Sonra evdə olan zəncirlə Məhbubəni sanitar qovşağında ayağından dəmir boruya bağladım, zənciri aça bilməməsi üçün qıfıl da vurdum. Məhbubəni ayağını dəmir zəncir bağlamaq fikri onun anasına məxsus olub".

Cinayət işi üzrə digər təqsirləndirilən Nigar bildirib ki, iki yetkinlik yaşına çatmayan qızları ilə Bərdə şəhərindəki yataqxanada yaşayıb: "İki dəfə evlənib boşanmışam. Təxminən bir il əvvəl tanış olduğum Əkbər mənimlə eyni mənzildə yaşayıb. Əkbər mənim və uşaqlarımın daima qayğısına qalıb. Əvvəllər kafedə işləsəm də, sonradan oradakı iş fəaliyyətimi dayandırmışam.

Əkbərlə tanış olduqdan sonra bizim maddi ehtiyaclarımızı qarşılayıb. Axşamlar atasına məxsus "VAZ 2106" markalı avtomobil ilə Bərdə şəhərində taksi fəaliyyəti ilə məşğul olub".

Məhbubə qeyd edib ki, iyulun 21-də nənəsi Yetər Mingəçevirdən onlara qonaq gəlib:

"Bir gün bizdə qaldı. Həmin gün qonşuluqdakı qadınla mübahisə etdiyim üçün əvvəl anam məni döydü, sonra isə Əkbər başıma şillə vurdu. Əkbər həmişəki kimi bizim evdə gecələdi. Növbəti gün nənəmi Mingəçevirə yola salmaq üçün Əkbər onu Bərdə avtovağzalına apardı. Nənəmi yola salmağa anam və bacım da getmişdi. Anam evdən çıxanda mənim olduğum otağın qapısını arxadan kilidlədi. Əkbər isə "dayan, bir azdan gəlirəm" dedi. Təxminən 40-50 dəqiqə sonra geri qayıtdılar. Əkbər məhəllədən beşinci mərtəbəyə anamdan tez çatdı. Qapını açan zaman əlində qıfıl və zəncir vardı.

Əkbər sacımdan tutdu, yataqxananın beşinci mərtəbəsində yerləşən sanitar qovşağa apardı. Zəncirlə ayağıma, qollarıma, belimə vurmağa başladı. Əvvəl zənciri sol ayağıma doladı və təzə aldığı qıfılla kilidlədi. Sonra zəncirin digər tərəfini dəmir boruya doladı və həmin hissəni yaşadığımız mənzilin qapısını bağladığımız köhnə qıfılla kilidlədi".

Məhbubənin ifadəsinə görə, təxminən saat 21 radələrində Əkbər yenidən yataqxanaya gəlib:

"Dördüncü mərtəbədə gürcüstanlı bir qadınla mübahisə etdi. Mən gələn səslərin hamısını eşidə bildim. Əkbər mənzilə daxil olmamış sanitar qovşağa gəldi, məni yenidən döydü. Sonra çimdi və gec gələcəyini bildirərək qıfılların açarlarını anama verdi. Sanitar qovşağında axşama kimi zəncirlənmiş vəziyyətdə qalmışam. Məni polislər xilas etdilər".

Bu cinayət işinə Bərdə rayon Məhkəməsində baxılıb.

Əkbər 3 il 6 ay müddətinə azadlıqdan məhrum edilib. Digər təqsirləndirilən Nigar isə 3 il müddətə azadlığın məhdudlaşdırılması cəzasına məhkum edilib.

Nigarın üzərinə Bərdə rayonunun Lənbəran kəndi ərazisində yerləşən Kəlbəcər rayon kökəltmə birliyində yaşayış yerini axşam saat 23.00-dan səhər saat 07.00-dək tərk etməmək, elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək, rayon ərazisini tərk etməmək, məhkəmə qərarı olmadan yaşayış yerini dəyişdirməmək, cəzanın icrasına nəzarət edən orqanı iş və ya təhsil yerinin dəyişdirilməsi barədə əvvəlcədən məlumatlandırmaq vəzifələri qoyulub.


Sonxeber.az Telegramda izləyin instagramda izləyin
Hadisə   Baxılıb: 2222   Tarix: 10 yanvar 2022  

Şikayətiniz varsa Whatsapp: 051 7028255

Facebookda Paylaş


Ustalar.az ustalar sayti

Oxşar xəbərlər

.

Son bir həftədə Xankəndi şəhəri ərazisindən xeyli sayda silah-sursat aşkarlanıb

Son bir həftədə Xankəndi şəhəri ərazisindən xeyli sayda silah-sursat aşkarlanıb. xəbər verir ki, bu barədə Daxili İşlər Nazirliyi (DİN) məlumat yayıb. Qeyd olunub ki, 15-21 iyunda polis əməkdaşları tərəfindən Xankəndi şəhəri ərazisindən 14 avtomat silahı, 5 tüfəng, 12 qumbara, 1 qumbaraatan, 14 alışdırıcı

22 iyun
.

Astanada DƏHŞƏTLİ YANĞIN - İnsanlar təxliyə edilir - VİDEO

Qazaxıstanın paytaxtı Astanada çoxmərtəbəli bina yanır. "Report" xəbər verir ki, bu barədə "Kazinform" ölkənin Fövqəladə Hallar Nazirliyinə (FHN) istinadən məlumat yayıb. Bina inzibati və qismən yaşayışlıdır. İlkin məlumatlara görə, xarici örtüyü yanır. Bildirilib ki, yanğının söndürülməsin

22 iyun
.

Azərbaycanda toyda zəhərlənənlərdən XƏBƏR VAR: hamısı...

Ağstafada toy mərasimində zəhərlənənlər xəstəxanadan evə buraxılıb. "Report"un Qərb bürosunun məlumatına görə, zərərçəkənlərə zəruri tibbi yardım göstərilib. Xatırladaq ki, hadisə dünən baş verib. Şadlıq sarayların birində keçirilən toy mərasimində iştirak edənlərdən 43 nəfəri qidadan zəhərlənib

23 iyun
.

Ekvador polisi iki tondan çox kokain ələ keçirib

Ekvadorun hüquq-mühafizə orqanları cinayətkarların İspaniyaya göndərməyi planlaşdırdıqları 2 tondan çox kokain müsadirə ediblər. "Report"un məlumatına görə, bu barədə ölkə polisi X sosial şəbəkəsində məlumat yayıb. Belə ki, El-Oro limanında ixrac üçün nəzərdə tutulan malların olduğu konteyner

23 iyun
.

Azərbaycanda professor vəfat edib

Azərbaycan Milli Elmlər Akademiyasının (AMEA) Neft-Kimya Prosesləri İnstitutunun baş elmi işçisi, professor Mütəllim Abbasov vəfat edib. xəbər verir ki, bununla bağlı məlumat sosial şəbəkələrdə yayılıb. Bildirilib ki, Mütəllim Abbasov 66 yaşında vəfat edib. Mərhum onkoloji xəstəlikdən əziyyət çəkirmi

23 iyun
.

Dənizdə batma təhlükəsi olan 3 nəfər xilas edilib

Dənizdə batma təhlükəsi olan 3 nəfər xilas edilib. xəbər verir ki, bu barədə Fövqəladə Hallar Nazirliyi (FHN) məlumat yayıb. FHN-in "112" qaynar telefon xəttinə Bakı şəhəri, Xəzər rayonu, Buzovna qəsəbəsində 3 nəfərin dənizdə nəzarətsiz ərazidə batma təhlükəsi ilə üzləşməsi barədə məlumat daxi

22 iyun
.

Bakıda DƏHŞƏTLİ HADİSƏ: Liftin trosu qırıldı: Yaralılar var

Bakı şəhəri, Nərimanov rayonu, Ağa Nemətulla küçəsi 79 ünvanında liftin qırılması və yaralıların olması hadisəsinin təfərrüatı açıqlanıb. Məsələ ilə bağlı Tibbi Ərazi Bölmələrini İdarəetmə Birliyindən (TƏBİB) -ın sorğusuna cavab olaraq bildirilib ki, bu gün saat 16:06-da Respublika Təcili və Təxirəsalınma

23 iyun
.

Cəbrayılda mina partladı, xəsarət alan var

Bu gün işğaldan azad edilmiş Cəbrayıl rayonunun Horovlu kəndi ərazisində mina hadisəsi baş verib. "Qafqazinfo" xəbər verir ki, bu barədə Daxili İşlər Nazirliyi, Baş Prokurorluq və Minatəmizləmə Agentliyinin (ANAMA) Mətbuat Xidməti məlumat yayıb. Məlumata görə, kənd təsərrüfatı sahəsində çalışa

20 iyun
.

Bollivud aktrisasına ədəbsiz mesaj göndərdi, sevgilisi onu xüsusi amansızlıqla qətlə yetirdi

Hindistanlı məşhur aktyor Darşan Thqudipa və həmkarı olan sevgilisi Pavitra Qovda qəddar şəkildə adam öldürmədə ittiham olunaraq həbs ediliblər. İddiaya görə öldürülən Renuka Svami adlı şəxs aktrisanın pərəstişkarı olub və onu hər yerdə izləyib. Qovdanın Darşanla münasibətlərini açıq-aşkar şəkildə etira

22 iyun