İdman zalına getmədən və çipsdən imtina etmədən 32 kilo arıqladı - FOTO

İrlandiya sakini, 24 yaşlı idman müxbiri Qevin Kvin idman zalına getmədən və çipslərdən imtina etmədən 7 aya 32 kiloqram arıqlayıb.

Sonxeber.az BiG.AZ-a istinadən xəbər verir ki, onun uğurları barədə "Belffast Live" yazır.

Belə ki, pandemiya dövründə sürətlə kökəlməyə başlayan Kvin arıqlamaq qərarına gəlib.

Növbə ilə səhər və axşam işlədiyinə görə o, rejimsiz qidalndığını etiraf edib. Bu səbəbdən Qevin ilk növbədə qida və yuxu rejimini qaydaya salmağa çalışıb.

O, gün ərzində 8 saat yatmağa və 3 dəfə eyni vaxtda yeməyə, daha çox su içməyə başlayıb, qəbul etdiyi kalorilərin miqdarını isə 2000-dək azaldıb.

Maraqlıdır ki, Kvin çips, "fastfud" və şirniyyatları rasionundan çıxartmayıb, sadəcə olaraq, daha az kalorisi olanları seçib.

İstənilən pəhriz fiziki hərəkətlərlə yanaşı daha effektiv olur. İdman zallarını sevmədiyi üçün Kvin velosiped sürməyə başlayıb.

Arıqlamaq istəyənlərə o, heç nədən imtina etmədən sadəcə kalori qıtlığı yaratmağı məsləhət görür.

Kvinin sözlərinə görə, insan özünü uzun yola hazırlamalıdır, tələsməməli, orqanizmini yormamalı və istirahətə vaxt ayırmalıdır.

Qevin, həmçinin, onunla həmfikir olanların, yaxınlarının və dostlarının dəstəyinin də əhəmiyyətini vurğulayıb.

Telegramda izləyin

instagramda izləyin