Məhkəmə qarşısında polisə bıçaqla hücum etdi, nəticədə isə...

Polisi bıçaqlamaq istəyən şəxs ayağından vurulub.

Sonxeber.az-ın "DHA" agentliyinə istinadən məlumatına görə, hadisə İstanbul şəhərində, məhkəmə binası qarşısındakı meydanda çevik polisin yerləşdiyi təhlükəsizlik zonada baş verib.

Belə ki, 19 yaşlı şübhəli Mikayıl G. polislərin keşik çəkdiyi əraziyə girərək əlində bıçaqla polis əməkdaşına tərəf addımlayıb. Hücumu uğursuz alınan adam qaçmağa çalışıb.

İddiaya görə, polis havaya atəş açıb, gənc isə "vurun məni" deyərək qışqırıb, daha sonra yenidən bıçaqla hücum etmək istədikdə polislərdən birinin açdığı atəş nəticəsində ayağından yaralanıb.

Qeyd olunur ki, polis əməkdaşı müdaxilə zamanı güllələrin yerdən sıçraması nəticəsində qasıq nahiyəsindən yaralanıb.

Xəsarət alan Mikayıl G. və yaralanan polis ayrı-ayrı təcili yardım maşınlarında xəstəxanaya aparılıblar.

Aysel SƏFƏRZADƏ

Telegramda izləyin