DƏHŞƏT: Zarafatlaşan tibb işçiləri xəstəni öldürdülər - FOTO-VİDEO

Türkiyənin İstanbul şəhərində yerləşən xəstəxanalardan birində faciə baş verib.

Sonxeber.az-ın "Ahaber"ə istinadən məlumatına görə, reanimasiya şöbəsində çalışan tibb işçiləri arasındakı qələm zarafatı ölümlə nəticələnib.

Belə ki, biotibbi texnik olan Əkrəm K. zarafat məqsədilə iş yoldaşı Fatih K.-nin cibindən qələmini götürüb. Bundan qıcıqlanan Əkrəm Fatihə "Qələmimi gətir, yoxsa reanimasiyanın oksigen əlaqəsini kəsərəm" deyib.

Lakin Əkrəm qələmi verməyib, Fatih isə onun inadına öz dediyini edib və reanimasiyada olan xəstələrin oksigen qapağını bağlayaraq bir neçə dəqiqə qapalı saxlayıb.

Nəticədə, oksigeni kəsilən xəstələrdən 56 yaşlı Yusuf Sanin dünyasını dəyişib.

Prokurorluq biotibbi texnik Fatih K.-ya qarşı "Qəsdən ölümə səbəb olmaq" maddəsi ilə cinayət işi açıb.

Fatih K.-nı 9 ilə qədər həbs cəzası gözləyir. O, 1-ci Cəza Məhkəməsində hakim qarşısına çıxacaq.

Aysel SƏFƏRZADƏ

Telegramda izləyin