Qadın marketdə 500 min dollara uşaq almaq istədi, sonra isə...

ABŞ Texas şəhərinin 49 yaşlı sakini Rebekka Lanet Teylor market kassasında növbə gözləyən qadının uşagını 500 min dollara almaq istəyib.

Sonxeber.az xarici mətbuata istinadən xəbər verir ki, o, təqsirli bilindiyi təqdirdə 10 il müddətinə həbs olunacaq.

Belə ki, marketlərin birinə gələn Teylor alış-veriş arabası ilə kassa növbəsində gözləyən bir qadına yaxınlaşıb və 1 yaşlı uşağını pul ilə satın almaq istədiyini bildirib. Sarışın və mavi gözlü olan uşağı çox sevdiyini söyləyən qadın adı açıqlanmayan anaya 500 min dollar təklif edib.

Teylor avtomobilində nəğd 250 min dolların olduğunu və körpəni "yerindəcə" ala biləcəyini deyib. Yaşananlar səbəbindən ana körpəsi ilə marketi təlaş içində tərk edib.

Polis tərəfindən saxlanılan Rebekka daha sonra 50 min dollar girov qarşılığında sərbəst buraxılıb.

Aygün Osmanlı

Telegramda izləyin