"Günahkar müəllim yox, sizsiniz..." - Əli Mirəliyev şagirdlərin valideynlərinə səsləndi...

"İndiki şagirdlər müəllimi saymırlar. Sovet vaxtı da bizdə elə müəllim olurdu ki, xaraktercə zəif olurdu və şagirdlər də onun dərsində özbaşınalıq etməyə cəhd edirdilər. Görün nə qədər alçaq uşaqlardılar ki, etdikləri nalayiq hərəkətləri çəkib internetdə də paylaşırlar"

Sonxeber.az bildirir ki, bu sözləri Moderator.az-a açıqlamasında müğənni Əli Mirəliyev deyib. Ə.Mirəliyev 165 saylı məktəbdə şagirdlərin sinif otağında tədris prosesinə uyğun olmayan davranışını pisləyib və burda valideynlərin günahkar olduğunu bildirib:

"Burda günah müəllimdə yox, o şagirlərin valideynlərindədir. Uşaqlarını tərbiyə etməyiblər. İndi müəllimə icazə vermirlər ki, uşağı vursun və ya danlasın. İndi şagirdlərin hər birində mobil telefon var, qudurublar. Mobil telefonları şagirdlərdən yığışdırmaq lazımdır. Çünki telefon uşaqların fikrini yayındırır. Müəllim dərs keçir, şagird isə internetdə kiminləsə yazışır".

Qeyd edək ki, Bakıda 165 saylı məktəbdə şagirdlərin sinif otağında tədris prosesinə uyğun olmayan davranışına görə araşdırılma aparılıb və dərsin təşkilində yol verdiyi nöqsanlara görə fənn müəlliminə töhmət verilib.

Telegramda izləyin