Deputatdan gənclərə QIZIL TÖVSİYƏ: Hər gün bunu edin

"Dəyərli gənclər! Növbəti tövsiyəmi sizinlə bölüşürəm. İnanıram ki, bu tövsiyə də sizin üçün faydalı və maraqlı olacaq. Hər birinizə həyat yolunda yeni uğurlar arzulayıram".

Sonxeber.az bildirir ki, bu sözləri Elm və təhsil komitəsinin üzvü, deputat Ceyhun Məmmədov deyib.

O vurğulayıb ki, işin çoxluğundan asılı olmayaraq, mütaliəyə mütləq vaxt ayırmaq lazımdır:

"Əgər həyatda uğur qazanmaq istəyirsinizsə, hər gün kitab mütaliə edin. Beyninizi böyük ideya və işıqlı fikirlərlə doldurun.

Mütaliə ruhun qidasıdır. Kitablar sizin biliyinizi artıracaq, mənəvi dünyanızı, dünyagörüşünüzü daha da zənginləşdirəcək. Sizə həyata başqa bucaqlardan baxmağı, fərqli və daha böyük düşünməyi öyrədəcək.

Hər ay büdcənizdən yeni kitablar əldə etmək üçün müəyyən vəsait ayırın. Zamanla çəkdiyiniz xərc artıqlaması ilə geri qayıdacaq və həyatınız boyu sizə dəstək olacaq. Nəyə qənaət etsəniz də, kitaba verdiyiniz pula qənaət etməyin. Kitaba verdiyiniz pula heyifsilənməyin.

Çalışın, evdə, kiçik də olsa, kitabxana yaradın. Burada sizin həyatınıza işıq tuta və sizə düzgün yol göstərə biləcək kitablar olsun.

"Hansı kitabları oxuyaq?" sualına gəldikdə, hər bir gənc mütləq gündəlik bədii ədəbiyyat və fərdi inkişaf kitabları mütaliə etməlidir. Seçdiyiniz peşə ilə bağlı kitabları oxumağı da unutmayın".

ZAİRA AKİFQIZI

Telegramda izləyin