"Ermənistan münaqişənin tam həllində maraqlı deyil"- Hərbi ekspertdən AÇIQLAMA

Son günlər Ermənistan silahlı qüvvələrinin bölmələri tərəfindən Kəlbəcər istiqamətində heç bir səbəb olmadan mövqelərimizin atıcı silahlardan istifadə etməklə atəşə tutulması ermənilərin məkrli niyyətini bir daha sübut edir.

Hərbi ekspert Ramil Məmmədli Sonxeber.az-a açıqlamasında bildirib ki, Ermənistanın belə mövqeyi onu göstərir ki, bu ölkə birmənalı olaraq münaqişənin tam həll olunmasında deyil, prosesin bu formada saxlanılması və imkan olanda separatçı rejimin baş qaldırmasında maraqlıdır:

"Elə bu səbəbdən Ermənistan tərəfinin silahlı hissələri Qarabağ ərazisində saxlanılır. Kəlbəcərdə baş verən hadisələr də bu prosesin davamıdır. Hər dəfə müxtəlif istiqamətlərdə atəşkəsi pozmaq və gərginlik yaratmaqla Ermənistan beynəlxalq ictimaiyyət qarşısında bildirmək istəyir ki. münaqişənin həlli yalnız və yalnız onların hüquqi statusunun müəyyənləşməsindən sonra baş verə bilər.

Bu isə, birmənalı olaraq, Rusiya tərəfinin üzərinə düşən öhdəlikdir. Çünki 10 noyabr 2020-ci il bəyanatının 4-cü bəndində bildirilir ki, Rusiya sülhməramlı kontingenti münaqişə ərazisinə daxil olanda, paralel olaraq, Ermənistan silahlı qüvvələri həmin əraziləri tərk etməlidir. Lakin göründüyü kimi, bu poses baş vermədi".

Aygün Osmanlı

Telegramda izləyin