FAO: Qlobal ərzaq qiymətləri fevralda artaraq rekord həddə çatıb

Birləşmiş Millətlər Təşkilatının Ərzaq və Kənd Təsərrüfatı Təşkilatı (FAO) bildirib ki, qlobal ərzaq qiymətləri fevral ayında bitki yağları və süd məhsulları başda olmaqla, bütün zamanların ən yüksək səviyyəsinə çatıb.

Sonxeber.az xarici mətbuata istinadən xəbər verir ki, bitki yağı qiyməti indeksi, palma, soya və günəbaxan qiymətlərinin hərəkətverici qüvvəsi səbəbiylə aylıq 8,5 faiz artıb.

Belə ki, dünyada günəbaxan yağı ixracının təxminən 80 faizi Ukrayna və Rusiyanın payına düşür.

Şəkərin qiymət indeksi, əsas ixracatçılar Hindistan və Taylandda müsbət istehsal perspektivləri ilə əvvəlki ayla müqayisədə 1,9 faiz azalıb.

FAO xəbərdarlıq edir ki, ərzaq məhsullarının qiymətlərinin qalxması idxaldan asılı olan ölkələrdə yoxsul əhalini də risk altında qoyur.

Qeyd olunur ki, hesablamalar Rusiya və Ukrayna arasında müharibənin mümkün təsirləri nəzərə alınmadan aparılıb.

Aygün Osmanlı

Telegramda izləyin