Sanksiyalar fonunda Rusiya dollardan istifadəni azaldır

Sanksiya təzyiqi qarşısında Rusiya iqtisadiyyatı dəstəkləmək üçün əhəmiyyətli səylər göstərir.

Sonxeber.az xarici mətbuata istinadən xəbər verir ki, bu barədə Rusiya XİN-in İqtisadi Əməkdaşlıq Departamentinin direktoru Dmitri Biriçevski RİA Novosti-yə müsahibəsində bildirib.

Onun sözlərinə görə, belə səylər xüsusilə, həm daxili beynəlxalq ehtiyatlarda, həm də xarici hesablaşmalarda dollardan istifadənin azaldılması, diqqətin alternativ kapital bazarlarına, Qərb bazarlarına yönəldilməsi, maliyyə məlumatlarının ötürülməsi üçün etibarlı və təhlükəsiz kanalların təmin edilməsi, milli valyutalarda qarşılıqlı ödənişlərin xüsusi çəkisinin artması, əsas ticarət tərəfdaşları ilə birbaşa banklararası müxbir əlaqələrin qurulmasını nəzərdə tutur.

"Rusiya iqtisadiyyatı, demək olar ki, daimi olaraq artan sanksiya riskləri şəraitindədir. Daxili bazar və ölkənin xarici iqtisadi əlaqələri tədricən dəyişən şəraitə uyğunlaşır. Müvafiq transformasiyanı həyata keçirmək üçün lazımi təhlükəsizlik marjamız var", - deyə Dmitri Biriçevski qeyd edib.

Aygün Osmanlı

Telegramda izləyin