NATO "Twitter"də etdiyi BU PAYLAŞIMI silməli oldu - FOTO

Rusiya-Ukrayna müharibəsi ərəfəsində ötən gün NATO 8 Mart Beynəlxalq İşçi Qadınlar Gününü qeyd edib.

Sonxeber.az xarici mətbuata istinadən xəbər verir ki, NATO-nun rəsmi "Twitter" hesabında yer alan paylaşımda "Bütün qadınlar azad və bərabər yaşamalıdırlar. Bu Qadınlar Günündə ürəyimiz ukraynalı qadınların yanındadır. Onların möhkəmliyi və gücü Ukrayna millətinin ruhunu simvolizə edir" deyilir.

Lakin həmin paylaşımda ukraynalı qadın əsgərin üzərindəki simvol diqqət çəkib. Belə ki, qadının üzərində nasizmin simvolu olan "Qara Günəş" var.

Sözügedən paylaşım kəskin reaksiyalara səbəb olduğundan NATO-nun sosial media komandası yazını silib.

Qeyd edək ki, "Qara Günəş" ("Schwarze Sonne") nasist simvolu və günəş çarxının bir növüdür. Bu simvol neonasistlər və satanizm kimi bəzi okkultist subkulturalar tərəfindən post-nasist Almaniyası kontekstində istifadə edilib.

Aygün Osmanlı

Telegramda izləyin