7 övladı olan İbrahim Tatlıses ilk dəfə vurulma anından danışdı - FOTO

Məşhur türkiyəli müğənni İbrahim Tatlısəs aparıcılıq etdiyi "İbo Show"proqramında duyğulu anlar yaşayıb.

Sonxeber.az türk mediasına istinadən bildirir ki, uşaqları ilə aralarında yaşanan problemlərdən söz açarkən Tatlıses 14 mart 2011-ci ildə keçirdiyi silahlı hücumdan danışıb.

Belə ki, İstanbulda silahlı hücuma məruz qalan və uzun müddət müalicə olunduqdan sonra sağlamlığına qovuşan sənətçinin bu sözləri proqrama öz damğasını vurub:

"Başımdan nəyinsə axdığını hiss etdim. Həkimdən bunun nə olduğunu soruşduqda "Oradan axan qandır" dedilər".

Tatlıses ailəsi haqqında heç vaxt danışmadığını və danışmaq istəmədiyini vurğulayıb:

"Heç vaxt ailəmdən danışmamışam. Sadəcə mesajlar göndərirəm, anlayanlar anlayar. Ailəmdən danışsam, ayıb olar. Onlar nə qədər istəyirlər, danışsınlar. Heç Mələyin Dilan haqqında danışdığını eşitmisiniz? Dilan danışırdı, daha danışmır. Danışanlar mənə maraqlı deyil. Urfada qızımı heç kim tanımır. Kaş Dilan (Çıtak Tatlısəs) kişi olaydı".

Qeyd edək ki, 3 dəfə evlənib boşanan İbrahim Tatlısesin Əhməd, Gülşən, Güldən, Mələk Zübeydə, Dilan Çıtak, İdo və Elif Ada adlı yeddi övladı var.

ZAİRA AKİFQIZI

Telegramda izləyin