1-ci tank ordusu darmadağın edildi, Rusiya qaniçən generalı Ukraynada döyüşə atdı
Rusiyanın ən elitar qoşun qruplaşması olan 1-ci tank ordusu Ukraynanın Xarkov və Sumı vilayətlərində gedən döyüşlər zamanı bir ay ərzində praktiki olaraq darmadağın edilib.
Ukrayna prezidenti Ofisinin rəhbərinin müşaviri Aleksey Arestoviç ötən gün bu haqda danışıb. Onun sözlərinə görə, Rusiya rəhbərliyi indi 1-ci tank ordusunun itkilərinə görə günahkarlar axtarır.
Ukraynalı tanınmış hərbi jurnalist Roman Simbalyuk isə bildirib ki, artıq Rusiyanın Qərb Hərbi Dairəsinin 1-ci tank ordusunun (11161 nömrəli hərbi hissə, Moskva ətrafındakı Bakovka rayonunda dislokasiya olunub) komandanı, general-leytenant Sergey Kisel vəzifəsindən azad edilib. Onun Ukraynadakı böyük itkilərə, tank ordusunun praktiki olaraq darmadağın edilməsinə görə vəzifədən azad edildiyi bildirilir.
"Əməliyyatın iflasa uğramadı və qarşıya qoyulmuş vəzifələrin yerinə yetirilməməsi, Ukraynadakı döyüş əməliyyatlarına çağırışçı əsgərlərin cəlb edilməsi, habelə şəxsi heyət və texnika sarıdan nəhəng itkilər səbəbindən 1-ci tank ordusunun komandanı Sergey Kisel vəzifədən azad edilib", - Simbalyuk Facebook-da yazıb. Onun sözlərinə görə, Kiselin müavini də vəzifəsindən çıxarılıb.
Roman Simbalyuk növbəti postunda 1-ci tank ordusunun yeni komandanını da açıqlayıb. Onun yazdığına görə, həmin qoşun qruplaşmasına xüsusi qəddarlığı ilə tanınan, Suriyada "qaniçən" adı qazanmış general-mayor Nikolay Tereşenko komandan təyin olunub.
Tereşenko bundan əvvəl Mərkəz Hərbi Dairəsinin qərargah rəisinin müavini olub. Fevral ayında Suriyadan növbəti 6 aylıq ezamiyyətdən qayıdıb. Suriyada əsirləri və qaçqınları güllələdiyinə görə ona "qaniçən general" adı veriblər. Tereşenko öz tabeçiliyində olanlara qarşı da qəddar davranır. General üçün ən başlıcası yuxarı komandanlığın əmrini yerinə yetirməkdir - nəyin bahasına olursa olsun. Bildirilir ki, Suriyada hücum əməliyyatlarının effektivliyini təmin etmək üçün general geri çəkilənləri güllələmək üçün xüsusi dəstələr saxlayırdı. "Görünür bu taktikanı Ukraynadakı hücum fəaliyyətləri zamanı 1-ci tank ordusunda da tətbiq edəcəklər", - ukraynalı jurnalist yazıb./Virtual
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Bu ərazidə pensiyalar tam verildi
Bu tarixdə QISA İŞ GÜNÜ OLACAQ
İnstensiv yağış, sulu qar yağacaq, SEL KEÇƏCƏK - Nə vaxtadək?
Bakıda bu ərazilərdə söküntü planlaşdırılır
Beş soydaşımız HƏLAK OLDU: Azərbaycanlıların olduğu gəmilərin VURULMA ANI - VİDEO
Pensiyalar nə vaxt ödəniləcək? - TARİX AÇIQLANDI
Bu şəxslərə maaş yeni qayda ilə VERİLƏCƏK
Gəmidə həlak olan azərbaycanlı AİLƏNİN TƏK OĞLU İMİŞ
Günəşin heç batmadığı dağlarda 20 min avroluq xəzinə ovu
Bakıda ŞOK ANLAR: Küçənin ortasında avtobusu saxladıb hücum etdi - VİDEO
Bir vaxtlar evlilik proqramlarının məşhur iştirakçısı indi dinlə məşğuldur
Müəllimini güllələyən şagirdin valideynlərindən İLK AÇIQLAMALAR
"WhatsApp" ödənişli oldu
Azov dənizindəki hücumun təfərrüatı: Yaralı azərbaycanlılar hadisə anından danışdılar