"Nəyi, nə zaman və necə edəcəyini hər kəsdən daha yaxşı bilir" - Deputatdan AÇIQLAMA

İstiqamət: Müzəffər Ali Baş Komandanın rəhbərliyi ilə 44 günlük "Vətən Müharibəsi"ndə qazanılmış tarixi qələbə, Ermənistan tərəfindən törədilmiş sülh və insanlıq əleyhinə cinayətlər, habelə müharibə cinayətləri ilə bağlı həqiqətlərin dünya ictimaiyyətinə çatdırılması

"Fərrux zəfəri post-münaqişə dövründə Azərbaycanın bölgədə sülhyaratma missiyasının vacib və uğurlu mərhələrindən biridir. Prezident İlham Əliyev mükəmməl zamanlama ilə bir daha dünyaya sübut etdi ki, nəyi, nə zaman və necə etməyi bilir və haqqı ilə bacarır".

Bu sözləri Sonxeber.az-a açıqlamasında millət vəkili Bəhruz Məhərrəmov deyib.

Onun sözlərinə görə, bu qalibiyyət göstərib ki, Azərbaycan bölgənin müstəqil siyasət yürüdən və iradəsini diqtə edən güc mərkəzidir:

"Bu gücümüzün təməlində isə xalqımızın həmrəyliyi, dövlətimizin qüdrəti, ordumuzun qəhrəmanlığı və ən nəhayət müzəffər Ali Baş Komandanın qətiyyəti dayanır. Suveren hüquqlarımız çərçivəsində qeyd edilən yüksəkliklərdə mövqe tutmaqla nəinki Ağdam və ətraf ərazilərin təhlükəsizliyi tam təmin olundu və 10 noyabr bəyanatına zidd olaraq hələ də bölgədə mövcud olan qanunsuz erməni silahlı dəstələrinin həmin istiqamətdə manevr və hərəkət imkanları heçə endirildi. Biz eyni zamanda dünyaya nümayiş etdirdik ki, beynəlxalq hüququ rəhbər tutmaqla suveren hüquqlarımızın, təhlükəsizliyimizin təmin olunması məsələlərində heç kim bizə maneə yarada bilməz. Terroru, separatizmi dəstəkləyib qərəzli və vicdansız bəyanat verənlər bilsinlər ki, bu son deyil və bütövlükdə regionu təhlükəsiz, xalqların birgə yaşayacağı, əməkdaşlıq edəcəyi sabit bölgəyə çevirənə qədər tədbirlərimiz davam edəcək. Sadəcə indi cəmiyhət olaraq özfəaliyyətdən, spekulyativ bəyanatlardan çəkinməli və dövlət başçımıza güvənməliyik. Bir daha qeyd edirəm, ötən dövrdə baş verənlər dəfələrlə göstərib ki, Prezident İlham Əliyev nəyi, nə zaman və necə edəcəyini hər kəsdən daha yaxşı bilir".

Material Azərbaycan Respublikasının

dəstəyi ilə hazırlanmışdır.
ZAİRA AKİFQIZI

Telegramda izləyin