Yaralı və gücdən düşmüş şəhər – FOTO

Sosial şəbəkələrdə Ukraynanın ən böyük şəhərlərindən olan və qızğın döyüşlərin getdiyi Mariupoldan son görüntülər yayılıb. Kadrlarda yanmış və yaşamaq üçün tamamilə yararsız hala gəlmiş binalar əks olunub.

Eyni zamanda Mariupol Şəhər Şurası özünün "Telegram" kanalında şəhərin son vəziyyəti barədə fotolar paylaşıb. Bildirilir ki, Mariupolda hazırda yüzlərlə ölən və minlərlə yaralı var, lakin şəhər rus işğalçılarına təslim olmur.

"Doğma Mariupol bu gün belə görünür. Rusiyalı faşistlərin ona nə etdiyinə baxın…Yaralı və gücdən düşmüş şəhər…", - deyə kanal paylaşdığı fotolara şərh yazıb.

Şəhər şurası həmçinin Mariupol sakinlərinin bir-birlərinə dəstək olduğunu bildirib:

"Yad insanlar bir-birlərinə kömək edir, dəstək olurlar. 400 min qəhrəman həyat uğrunda mübarizə aparır. Şəhər möhkəm dayanır, işğalçılara təslim olmur. Onlar Mariupolu az qala məhv ediblər. Amma heç vaxt bizim xəyalımızı məhv edə bilməyəcəklər", - deyə kanalda əlavə edilib./Oxu.az

Telegramda izləyin