Dilənçi qadın saxlanıldı, övladı körpələr evinə yerləşdirildi

Bakıda körpə qızı ilə dilənçilik edən qadın saxlanılıb.

DİN Mətbuat xidmətindən Sonxeber.az-a verilən məlumata görə, Nəsimi rayonunda himayəsində olan 2021-ci il təvəllüdlü körpə qızı ilə dilənçilik edən qadın saxlanılıb. Araşdırma zamanı körpənin faktiki olaraq həyat və sağlamlığı üçün ciddi təhlükə yarandığı, eləcə də baxımsız vəziyyətdə olduğu müəyyən edilib.

Uşaq müvafiq dövlət qurumlarının iştirakı ilə körpələr evinə yerləşdirilib. Araşdırma zamanı bundan əvvəl də N. Abdullayevanın himayəsində olan daha 2 azyaşlı uşağını baxımsız vəziyyətdə qoyduğu, onların həyat və sağıamlıqlarını təhlükə altına atdığı, həmçinin dilənçiliyə sövq etdiyi üçün həmin uşaqların da ondan alınaraq dövlət himayəsinə verildiyi müəyyən edilib.

N. Abdullayeva barəsində Nəsimi RPİ-də araşdırmalar davam etdirilir.

Telegramda izləyin