"Delyaginin Azərbaycana qarşı təhdid dolu açıqlaması məhz erməni lobbisindən aldığı tapşırığın icrasıdır"

"2020-ci ildə 44 günlük Vətən müharibəsində Müzəffər Ali Baş Komandanımız cənab İlham Əliyevin rəhbərliyi ilə Azərbaycan ordusu Ermənistanın 30 illik işğalına son qoydu və torpağlarımızı işğaldan azad etdi".

Bu sözləri Sonxeber.az-a açıqlamasında deputat Cavid Osmanov deyib.

Onun sözlərinə görə, Ermənistan "diz çökərək", yalvararaq kapitulyasiya aktna imza atdı və beləliklə 10 noyabr 2020-ci il tarixdə Azərbaycan və Rusiya prezidentlərinin və Ermənistanın Baş nazirinin imzası ilə üçtərəfli bəyannamə imzalandı:

"Bəyanatın 4-cü bəndinə uyğun olaraq, Rusiya sülhməramlı kontingenti yerləşdirildikdən sonra terrorçu erməni silahlı birləşmələri Azərbaycanın bütün ərazilərini tərk etməli idilər.

Lakin bu müddət ərzində Ermənistan buna əməl etməyib, bəyanatın bir sıra maddələrini icra etməkdən boyun qaçırıb və buna süni əngəllər törədib.

Azərbaycan isə beynəlxalq hüquq çərçivəsində öz süveren ərazilərini terrorçulardan təmizləməlidir. Bu, Rusiya prezidentinin də imzası ilə təsdiqlənmiş bəyannamədə öz əksini tapıb.

Digər tərəfdən, Rusiya prezidenti Vladimir Putin 44 günlük Vətən müharibəsi zamanında da qeyd edib ki, bu ərazilər Azərbaycanın tarixi və əzəli torpaqlarıdır və Azərbaycan müharibəni öz ərazisində aparır.

Xatırladaq ki, 22 fevral 2022-ci il tarixində Azərbaycan-Rusiya arasındakı münasibətlərin müttəfiqlik səviyyəsinə gətirilməsi ilə bağlı növbəti bir bəyannamə imzalanıb. Bu bəyannaməyə əsasən, hər iki ölkə qarşılıqlı olaraq öz ərazisində terrora qarşı mübarizə aparmaq hüququndadır.
Biz də elə bunu həyata keçiririk.

Əlbəttə, bütün bu sadalananlar Rusiyanın rəsmi mövqeyidir. Rusiya Dövlət Dumasının üzvü Mixail Delyaginin isə Azərbaycan haqqında səsləndirdiyi absurd fikirlər birbaşa erməni lobbisinə xidmət və Rusiya prezidentinə qarşı çıxmaq kimi qiymətləndirilməlidir.

Delyaginin Azərbaycana qarşı təhdid dolu açıqlaması məhz erməni lobbisindən aldığı tapşırığın icrasıdır və heç də Rusiyanın dövlət mövqeyi ola bilməz. Deputatın özü də bunu anlayaraq Azərbaycan xalqından üzr istəyib.

Sonda onu da vurğulayım ki, Delyagin və onun kimilərinin nə deməsindən asılı olmayaraq, Azərbaycan öz süveren ərazilərində tarixi və əzəli torpaqlarımızı terrorçulardan təmizləməyə davam edəcək və Azərbaycanın daxili işlərinə qarışmağa heç kimin haqqı yoxdur!"

ZAİRA AKİFQIZI

Telegramda izləyin