"Simonyanı "nokaut"a salan Sahibə xanım Qafarova Azərbaycanın mövqeyini bir daha ortaya qoydu"

Dünən hər birimiz Milli Məclisinin sədri xanım Sahibə Qafarovanın Qazaxıstan Respublikasının Almatı şəhərində keçirilən MDB PA Şurasının iclasında Ermənistan parlamentinin spikeri Alen Simonyanı gülünc vəziyyətə saldığı kadrları qürurla izlədik. Sahibə xanım Qafarova tək Milli Məclisin sədri və deputat kimi deyil, həm də illərdir erməni terroruna, vəhşiliyinə məruz qalan bir xalqın nümayəndəsi kimi o saxtakarı susdurdu.

Erməni xalqının xəmiri yalan, saxtakarlıq və terrorla yoğrulub. Tarix boyu başqalarının torpaqlarını işğal edib məskunlaşan ermənilər özlərinin uydurduğu yalanları dünyaya həqiqət kimi sırımağa çalışıblar. Təəssüf ki, bəzi dövlətlərə və demokratiyadan dəm vuran təşkilatlara bu yalanlar sərf etdiyi üçün onları doğruymuş kimi qəbul edirlər.

Lakin Müzəffər Ali Baş Komandan İlham Əliyevin rəhbərliyi ilə Şanlı Azərbaycan Ordusunun əldə etdiyi qələbədən sonra regionda artıq vəziyyət dəyişib. Cənab Prezident İlham Əliyevin uzaqgörənliyi və düşünülmüş xarici siyasəti nəticəsində dövlətimizin beynəlxalq aləmdəki mövqeləri xeyli möhkəmlənib, əlaqələri genişlənib. Dövlət başçımızın dünya səviyyəsində həyata keçirdiyi balanslaşdırılmış xarici siyasəti Azərbaycanı inkişaf etmiş demokratik ölkələr sırasına çıxarıb.

Azərbaycanın beynəlxalq aləmdə nüfuzunun artması Ermənistanın əl-qolunun bağlanmasıdır. Artıq Ermənistan öz yalanları ilə dünyanı aldada bilmir. Əksinə, danışdığı yalanlarla özünü pərt edir. Necə ki, Milli Məclisinin sədri xanım Sahibə Qafarovanın Qazaxıstan Respublikasının Almatı şəhərində keçirilən MDB PA Şurasının iclasında Ermənistan parlamentinin spikeri Alen Simonyanı gülünc vəziyyətə saldığının şahidi olduq. Sahibə xanım Qafarova qısa çıxışı ilə ermənilərin və havadarlarının bütün uydurmalarını darmadağın edərək, onların əsl simasını ortaya çıxardı. Təxribatçı Alen Simonyanı bir neçə replika ilə "nokaut"a salan Sahibə xanım Qafarova Azərbaycanın dəyişməz mövqeyini bir daha ortaya qoydu.

Nəticədə, pərt olan erməni spiker sonda, Vətən müharibəsində biabırçı məğlubiyyətə uğrayan və kapitulyasiya aktına qol çəkən Nikol Paşinyan kimi, Azərbaycanın 5 şərtinin qəbuledilən olduğunu etiraf etdi. Halbuki bir neçə gün öncəyə qədər başqa "nağıl" danışırdılar.

Əlbəttə, bütün bunlarda Ali Baş Komandan İlham Əliyevin diplomatik gücünün və Müzəffər Azərbaycan Ordusunun 44 günlük Vətən müharibəsində əldə etdiyi möhtəşəm qələbənin müstəsna rolu var. Əminəm ki, yalnız Almatı şəhərində keçirilən MDB PA Şurasının iclasında deyil, bütün beynəlxalq tədbirlərdə Azırbaycanın haqlı mövqeyi dəstəklənəcək. Çünki biz cəmi 44 gün davam edən Vətən müharibəsində əldə etdiyimiz möhtəşəm qələbə ilə ərazi bütövlüyümüzü bərpa edən güclü Ali Baş Komandana və mürəkkəb döyüş tapşırıqlarını peşəkarlıqla yerinə yetirən Şanlı Orduya sahibik!

Aysel Yusifqızı
BiG.AZ və Sonxeber.az saytların baş redaktoru

Telegramda izləyin