Putinə qarşı təkbaşına müharibə: 2500 ayrı-ayrı şikayət

Rusiya prezidenti Vladimir Putin Ukraynaya qarşı müharibəyə başladıqdan sonra bütün dünyanın qınaq hədəfinə çevrilib. Bir nəfər də var ki, Putinə qarşı müharibəsini təkbaşına və böyük ehtiyatla aparır.

Sonxeber.az "CNN Türk"ə istinadən xəbər verir ki, Ukraynanın Baş prokuroru İrina Venediktova Rusiya liderinə qarşı 2500 ayrı-ayrılıqda iddia qaldırmağa hazırlaşır. Həmin şikayətlərin mövzusu hərbi cinayətlər olacaq.

Qeyd edək ki, Beynəlxalq Cinayət Məhkəməsi Avropa İttifaqına üzv dövlətlərə qaçan qaçqınların sənədlərini və bu insanlara qarşı törədilmiş cinayətləri araşdıracaq. Avropa İnsan Haqları Məhkəməsi də Rusiyaya xəbərdarlıq edib ki, hərbi cinayətlər törətməsin və humanitar yardıma mane olmasın. BMT-nin ən nüfuzlu tribunalı olan Beynəlxalq Ədalət Məhkəməsi, həmçinin, Rusiyanı Ukraynadakı hərbi əməliyyatlarına son qoymağa çağırıb.

Aygün Osmanlı

Telegramda izləyin