"Şuşanın Türk dünyasının mədəniyyət paytaxtı elan olunması ədalətli qərardır"- Asim Mollazadə

Şuşa şəhəri 2023-cü il üçün "Türk dünyasının mədəniyyət paytaxtı" seçilib. Bu barədə qərar Beynəlxalq Türk Mədəniyyəti Təşkilatına (TÜRKSOY) üzv ölkələrin Mədəniyyət Nazirlərinin Daimi Şurasının Türkiyənin Bursa şəhərində keçirilən iclasında qəbul olunub.

Bununla bağlı Sonxeber.az-a danışan deputat Asim Mollazadə bildirib ki, mədəniyyət hər zaman iqtisadiyyatın inkişafına təkan verir:

"Şuşanın Türk dünyasının mədəniyyət paytaxtı elan olunması bu dövlətlər arasındakı əməkdaşlığı inkişaf etdirəcək. Türk-İslam dünyasında ilk simfoniya və opera Azərbaycanda yaradılıb. Şuşa isə Azərbaycanın mədəniyyət beşiyidir. Bu səbəbdən Şuşanın "Türk dünyasının mədəniyyət paytaxtı" elan olunması ədalətli qərardır".

Şəbnəm Lətifi

Telegramda izləyin