Bakıdakı dəhşətli partlayışda tanınmış müğənni də yaralanıb

Xəbər verdiyimiz kimi, Bakıda "Location" adlı gecə klubunda güclü partlayış olub. Klubda yaralananlar arasında müğənni Nicat Məhərrəmov da yer alıb.

Axşam.az xəbər verir ki, bu haqda ifaçı özü məlumat yayıb. O bildirib ki, partlayış zamanı o da klubda olub:

"Baş verən partlayış sadəcə bir kabus idi. İnsanların çarəsizliyi, o partlayışın səsi, ümumilikdə yaşanan bu faciə heç bir zaman gözümdən və ağlımdan getməyəcək. Bütün yaralı olan dostlarıma Allahdan şəfa diləyirəm. Məni yığıb soruşan, axtaran, arxamca xəstəxanaya gəlib, yanımda olan doğmalarıma, dostlarıma, əzizlərimə təşəkkür edirəm. Allah sizi sevdiklərinizə bağışlasın".

Qeyd edək ki, aprelin 3-də baş vermiş hadisə nəticəsində 1 nəfər həyatını itirib (gecə klubunun əməkdaşı, 1979-cu il təvəllüdlü Maya Axundova), 37 nəfər müxtəlif dərəcəli bədən xəsarətləri alıb. Həmçinin 14 avtomobil, 1 mənzil və 2 qeyri-yaşayış obyektinə də ziyan dəyib.

Telegramda izləyin