Ukraynalılar sığınacaq kimi istifadə etdikləri metroda toy etdilər - VİDEO

Rus ordusunun Xarkova hücumları davam edərkən bombardmanlardan qorunmaq üçün metro stansiyasına sığınan daha bir cütlük evlənib.

Sonxeber.az xarici mətbuata istinadən xəbər verir ki, Xarkov meri İqor Terehov və metro stansiyasında qalan digər vətəndaşların iştirak etdiyi toy ətrafdakı mətbuat nümayəndələri və vətəndaşlar tərəfindən lentə alınıb.

Terehov isə sosial media hesablarında yayımladığı videoda şəhərdəki son vəziyyət və baş verən toyla bağlı açıqlama verib.

"Əziz xarkovlular, müharibənin 39-cu günündə şəhərimiz qəhrəmanlar kimi müqavimət göstərir və qələbəyə yaxınlaşır. Xalq təslim olmayacaq və bombardmanlara baxmayaraq, marketlər, bazarlar işləyir və biz normal həyata qayıdırıq. Xarkov şəhəri yaşayır və qalib gələcək. Evli cütlüyümüzə sülh dolu səma altında uzun illər birlikdə olmağı arzu edirəm. Çox övlad sahibi olmağınızı istəyirəm. Uşaq davamlılıq deməkdir və biz yaşayırıq. Bugünkü toy sadəcə ölümə və məhvə qarşı müqavimət simvolu deyil, normal həyatın simvolu oldu. Ukrayna diz çökməyəcək", - deyə o bildirib.

<div style="position:relative;padding-bottom:56.25%;height:0;overflow:hidden;">

Aygün Osmanlı

Telegramda izləyin