Flora Kərimovanın Afətlə bağlı məhkəməyə təqdim etdiyi dəlillər

Xəbər verdiyimiz kimi, Xalq artisti Flora Kərimova müğənni Afət Fərmanqızını məhkəməyə verib.

Axşam.az xəbər verir ki, məhkəmənin ilkin iclası ötən həftə baş tutub. F.Kərimova şərəf və ləyaqətini təhqir etdiyi üçün Afətin cəzalandırılmasını tələb edib.

Kərimova A.Fərmanqızı ilə bağlı məhkəməyə təqdim etdiyi materialları sosial şəbəkədə paylaşıb. Müğənni həmin videoya "Düşünürəm iddiası olanın sübutlara arxalanan dəlili olar. Yalanlarla silahlanmaq acizliyin göstəricisidir. Birinci gündən məhkəməyə təqdim olunan faktları xronologiya ilə sizin mühakimənizə təqdim edirəm. Zamanınızı bir az alacaq faktları toplu şəkildə incələmək, qərəzli və göstərişlə yazılan rəylərə cavabımdır. Həqiqətin yanında olan hər kəsə təşəkkür edirəm" sözlərini yazıb.

Qeyd edək ki, Xalq artisti Flora Kərimova müğənni Afət Fərmanqızını onu təhqir etdiyi üçün Cinayət Məcəlləsinin 147-ci (böhtan) və 148-ci (təhqir) maddələri ilə ittiham olunmasını tələb edib.

Telegramda izləyin