Rusiya "Bayraktar"a görə Türkiyəyə şikayət etdi - Ankaradan cavab

Rusiya Ukrayna ordusunun Türkiyə istehsalı olunan pilotsuz uçuş aparatlarından ("Bayraktar TB2") istifadə etməsindən Türkiyə hakimiyyətinə şikayət edib.

Bu barədə cümə günü keçirilən brifinqdə Türkiyə hökumətinin rəsmisi danışıb

Artıq rəsmi Ankara Rusiyanın şikayətinə cavab verib: "Rəsmi Moskvaya bildirilib ki, Türkiyənin pilotsuz təyyarə istehsalçısı "Baykar Technologies" özəl şirkətdir və Ukrayna tərəfindən bu cihazların alınması müharibədən əvvəl tamamlanıb".

CNN qeyd edir ki, türk PUA-ları Ukrayna Silahlı Qüvvələrinin arsenalında ən təsirli silahlardan birinə çevrilib. "Bayraktar TB2" Ukrayna rəsmiləri və hərbi ekspertlər tərəfindən tez-tez təriflənir.

Qeyd edək ki, "Bayraktar TB2" Ukraynada bir çox Rusiya texnikasını, həmçinin "Uraqan" reaktiv yaylım atəş sistemini məhv edib.

Telegramda izləyin