Həyat yoldaşını qətlə yetirən azərbaycanlı kişi ilə bağlı ŞOK MƏLUMAT - YENİLƏNİB + ANBAAN VİDEO

Türkiyədə boşanmaq üzrə olduğu arvadını güllələyərək qətlə yetirən 34 yaşlı Elvin Umayevlə bağlı yeni faktlar üzə çıxıb.

"Kriminalqafqaz"ın əldə etdiyi məlumata görə, Balakən rayon Gərəkli kənd sakini olan E.Umayev 2017-ci ildə atası və bacısı ilə birlikdə Qaxda polisin keçirdiyi əməliyyatla tutulub. Belə ki, Elvin atası, 1962-ci il təvəllüdlü Əli Umayev və bacısı, 1985-ci il təvəllüdlü Pirdas Umayeva ilə birlikdə Qaxın Qorağan kəndindəki meşə sahəsində aqrotexniki qaydada narkotik tərkibli bitkilər yetişdirmək ittihamı ilə tutulublar.

Məlum olub ki, E.Umayev həmin vaxtdan üç ay öncə o ərazidə çətənə kolları əkib. Bu müddət ərzində o, adıçəkilən ailə üzvləri ilə birgə meşəyə gələrək çətənə kollarına qulluq edib.

2017-ci ildən əvvəl də məhkumluq həyatı yaşayan Elvin sözügedən əməlinə görə həbs edilib. Bir neçə il həbsxanada qalaraq azadlığa çıxıb. Bundan sonra isə o, işləmək məqsədilə həyat yoldaşı ilə birlikdə Türkiyəyə gedib və məlum hadisə baş verib. Bu həbs Elvinin üçüncü məhkumluğu olacaq.

10:38
Türkiyədə Azərbaycan vətəndaşı Elvin Umayev həyat yoldaşı Turanə Umayevanı qətlə yetirib.

BAKU.WS xəbər verir ki, bu barədə "CNN Türk" məlumat yayıb.

Hadisə ötən gün Trabzon şəhərinin Ortahisar rayonunda qeydə alınıb.

Tərəflər arasında mübahisə uşağın atasına göstərilməməsinə görə yaranıb. Nəticədə 34 yaşlı Elvin Umayev 38 yaşlı Turanə Umayevaya tapanaçadan bir neçə dəfə atəş açaraq onu qətlə yetirib.

10 il əvvəl həbs həyatı yaşayan E.Umayev 4 ay əvvəl azadlığa çıxmışdı. O, qətli törətdikdən sonra polisə könüllü təslim olub.

Qətl hadisəsi ətrafda olan təhlükəsizlik kamerası tərəfindən lentə alınıb.

Telegramda izləyin