ABŞ hərbi bazasına hücum – Raketlər ard-arda atıldı

İraqın Ənbar vilayətindəki Ayn əl-Əsəd hərbi bazasına hücum edilib.

Sonxeber.az xəbər verir ki, ABŞ hərbçilərinin yerləşdiyi hərbi bazanın ətrafına raketlərin düşdüyü bildirilsə də, hadisədə can itkisi ilə bağlı hələlik açıqlama verilməyib.

Ayn əl-Əsəd bazası yaxınlığına iki raketin düşdüyü bildirilib.

Polis bölmələrinin araşdırmaya başladığı və təfərrüatların daha sonra ictimaiyyətlə bölüşəcəyi deyilib.

Yerli mətbuat raketlərdən birinin bazadan 4 kilometr aralıda düşdüyünü yazıb.

Ayn əl-Ased bazasında ABŞ və Anti-İŞİD koalisiyasının hərbçiləri var.

2020-ci ilin əvvəlində Bağdadda iranlı general Qasım Süleymaninin ABŞ qüvvələri tərəfindən öldürülməsindən sonra Amerikanın İraqdakı hərbi bazaları naməlum qruplaşmaların hücumlarına məruz qalır.

Telegramda izləyin